Get Adobe Flash player

ພະແນກຊາວໜຸ່ມກອງບັນຊາການທະຫານແຂວງສາລະວັນ ເປີດຂະບວນການແຂ່ງຂັນ 4 ບຸກ ປະຈໍາສົກປີ 2016 - 2017

  ໂດຍປະຕິບັດຕາມບົດແນະນໍາ 096/ລຂ ລົງວັນທີ 22 ກຸມພາ 2012 ແລະ ເພື່ອຜັນຂະຫຍາຍການຈັດຕັ້ງປະຕິບັດຂໍ້ແຂ່ງຂັນ 4 ບຸກ ເລກທີ 421/ລຂ ລົງວັນທີ 28 ກໍລະກົດ 2016ຄໍາສັ່ງແນະນໍາຂອງກົມໃຫ່ຍການເມືອງກອງທັບ ເລກທີ 1861/ກມທ ກຽ່ວກັບການຈັດຕັ້ງປະຕິບັດຂໍ້ແຂ່ງຂັນ 4 ບຸກ ຂອງຊາວໜຸ່ມໃນທົ່ວກອງທັບ ໃຫ້ໄດ້ຮັບຜົນດີ ແລະ ມີປະສິດທິຜົນສູງ ຕອນເຊົ້າຂອງວັນທີ 8 ພະຈິກ 2016 ພະແນກຊາວໜຸ່ມກອງບັນຊາການທະຫານແຂວງສາລະວັນ ໄດ້ເປີດຂະບວນການແຂ່ງຂັນ 4 ບຸກ ພາຍໄຕ້ການເປັນປະທານຂອງ ທ່ານຮອ ແສງຊື່ນ ແກ້ວປະເສີດຄະນະບໍລິຫານງານຊາວໜຸ່ມແຂວງ ເລຂາພະແນກຊາວໜຸ່ມກອງບັນຊາການທະຫານແຂວງ ເປັນກຽດເຂົ້າຮ່ວມມີ ທ່ານ ຈັນສີລອນ ສີສົມບູນ ກໍາມະການພັກແຂວງ ເລຂາຄະນະບໍລິຫານງານຊາວໜຸ່ມແຂວງ, ມີທ່ານ ພັທ ວິໄລ ພິມມະວົງ ຄະນະພັກກອງບັນຊາການທະຫານແຂວງ,ຜູ້ຊີ້ນໍາວຽກງານອົງການມະຫາຊົນ,ພ້ອມດ້ວຍຫົວໜ້າໜ່ວຍ,ຫົວໜ້າຈຸ ສະມາຊິກຊາວໜຸ່ມ ແລະ ແຂກຖືກເຊີນ ເຂົ້າຮ່ວມຈໍານວນຫຼວງຫຼາຍ.
   ໃນພິທີໄດ້ຮັບຟັງການຜ່ານ ແຜນການຈັດຕັ້ງປະຕິບັດຂໍ້ແຂ່ງຂັນ 4 ບຸກ ປະຈໍາສົກປີ 2016 – 2017 ນໍາສະເໜີໂດຍ: ທ່ານ ຮອ ແສງຊື່ນ ແກ້ວປະເສີດ ເຊິ່ງສະແດງໃຫ້ເຫັນວ່າໃນການຈັດຕັ້ງປະຕິບັດຂະບວນການແຂ່ງຂັນ 4 ບຸກຄື: ບຸກດ້ານການເມືອງ - ແນວຄິດ ສູ້ຊົນໃຫ້ໄດ້ 85% ຂື້ນໄປ, ບຸກດ້ານຝຶກຝົນຫຼໍ່ຫຼອມຮໍ່າຮຽນ ສູ້ຊົນໃຫ້ໄດ້ 90% ຂື້ນໄປ, ບຸກດ້ານວຽກງານການຈັດຕັ້ງ ສູ້ຊົນໃຫ້ໄດ້ 85% ຂື້ນໄປ, ບຸກດ້ານວິຊາຊີບ ແລະ ສ້າງວຽກເຮັດງານທໍາ ສູ້ຊົນໃຫ້ໄດ້ 85% ຂື້ນໄປ , ຜ່ານການຮັບຟັງແຜນໃນຄັ້ງນີ້ແຕ່ລະສະຫາຍກໍ່ໄດ້ປະກອບຄຳເຫັນຢ່າງກົງໄປກົງມາ ເຂົ້າໃສ່ໃນແຜນການຈັດຕັ້ງປະຕິບັດຂໍ້ແຂ່ງຂັນ 4 ບຸກ ແລະ ພ້ອມກັນຈັບມືແຂ່ງຂັນ ສູ້ຊົນສ້າງກອງທືນຊ່ວຍເຫຼືອເຊີ່ງກັນ ແລະ ກັນ ໃຫ້ໄດ້ 10.000.000 ກີບ. ໃນໂອກາດດຽວກັນ ທ່ານ ຈັນສີລອນ ສີສົມບູນ ກໍ່ໄດ້ມອບເງີນ ຈໍານວນ 10.000.000 ກີບ ເປັນການປະກອບສ່ວນໃນການສ້າງຜາຍນໍ້າຢູ່ກອງຮ້ອຍ 513 ທືນຈໍານວນດັ່ງກ່າວແມ່ນໄດ້ມາຈາກການລະດົມນໍາສະມາຊິກຊາວໜຸ່ມ.ໃນຕອນທ້າຍຂອງກອງປະຊຸມຍັງໄດ້ຮັບຟັງຄໍາໂອ້ລົມຂອງທ່ານ ຈັນສີລອນ ສີສົມບູນ ເພິ່ນໄດ້ເນັ້ນໜັກຫຼາຍບັນຫາຄື:
1.ຄະນະໜ່ວຍຊາວໜຸ່ມຕ້ອງຖືສໍາຄັນ ແລະ ກໍາແໜ້ນວຽກງານດ້ານການເມືອງ-ແນວຄິດ,ເອົາໃຈໃສ່ປະຕິບັດແນວທາງນະໂຍບາຍຂອງພັກໃຫ້ສະມາຊິກຊາວໜຸ່ມໄດ້ເຂົ້າໃຈກ້ວາງຂວາງ ແລະ ເລິກເຊິ່ງ.
2.ວຽກງານປັບປຸງການຈັດຕັ້ງ ຄະນະໜ່ວຍຊາວໜຸ່ມຕ້ອງໄດ້ດໍາເນີນຊີວິດປະຈໍາເດືອນ ແລະ ກໍ່ສ້າງຊ່ວຍເຫຼືອເຊິ່ງກັນ ແລະ ກັນ ຢ່າງເປັນປົກກະຕິ ເສີມຂະຫຍາຍວຽກງານຂະບວນການໃຫ້ເປັນຂະບວນຟົດຟື້ນ.
3.ຕ້ອງໄດ້ເອົາໃຈໃສ່ເພີ່ມທະວີຕໍ່ການຕິດຕາມກວດກາໃນແຕ່ລະໄລຍະ, ຕ້ອງໃກ້ຊິດຕິດແທດກັບຄະນະພັກໃນການຂໍຄໍາຄິດຄໍາເຫັນຊີ້ທິດເຍືອງທາງໃນວຽກງານຊາວໜຸ່ມ ກໍ່ຄືວຽກງານແຂ່ງຂັນ 4 ບຸກຂອງຊາວໜຸ່ມ.
ມາຮອດເວລາ 11:30 ໂມງ ກອງປະຊຸມກໍ່ໄດ້ປິດລົງໃນວັນດຽວກັນຢ່າງເປັນທາງການ.

ຄະນະບໍລິຫານງານຊາວໜຸ່ມແຂວງສາລະວັນ ມອບຄອມພິວເຕີ 1 ຊຸດ ໃຫ້ກອງບັນຊາການທະຫານ ກອງພັນ 459

 

    ໃນຕອນບ່າຍຂອງວັນທີ  28 ມີນາ  2016  ຜ່ານມານີ້ ຫ້ອງການຄະນະບໍລິຫານງານຊາວໜຸ່ມແຂວງສາລະວັນ ນໍາໂດຍ ສະຫາຍ ຈັນເພັງ ສາຍທໍາມະວົງ ຮອງເລຂາຄະນະບໍລິຫານງານຊາວໜຸ່ມແຂວງສາລະວັນ

Read more...