Get Adobe Flash player

ເມືອງສາລະວັນ ປະກາດເປັນເມືອງ 4 ບຸກ ຄັ້ງທີ II ຕໍ່ເນື່ອງ

       

ໂດຍປະຕິບັດຕາມບົດແນະນຳ 421 / ລຂ,ລົງວັນທີ 28 ກໍລະກົດ 2016 ຂອງມະຕິກອງປະຊຸມໃຫຍ່ຄັ້ງທີ VII ຂອງສູນກາງ ຊາວໜຸ່ມປະຊາຊົນປະຕິວັດລາວແລະ ມະຕິ VI ຂອງກອງປະຊຸ່ມໃຫຍ່ຜູ້ແທນຊາວໜຸ່ມທົ່ວແຂວງສາລະວັນ,ວັນທີ 17 ພຶດສະພາ 2018 ນີ້ເມືອງສາລະວັນໄດ້ຈັດພິທີປະກາດເປັນເມືອງ ຄຊປປລ 4 ບຸກ ເປັນ ຄັ້ງທີ II ຕໍ່ເນື່ອງ ຢູ່ທີ່ສະໂມສອນໃຫຍ່ຂອງໂຮງຮຽນ ມສ ອົງແກ້ວ ໃຫ້ກຽດເປັນປະທານໂດຍ ທ່ານ  ກໍ່າສະໄໝ ແສນແທຫຼວງ,ຄະນະບໍລິຫານງານຊາວໜຸ່ມແຂວງ, ເລຂາຄະນະບໍລິຫານງານຊາວໜຸ່ມເມືອງສາລະວັນ,ໃຫ້ກຽດເຂົ້າຮ່ວມເປັນຄະນະປະທານໂດຍ ທ່ານ ຄໍາຈັນ ແຈ່ມສະໝອນ ຄະນະປະຈໍາພັກແຂວງ, ຫົວໜ້າຄະນະກວດກາແຂວງ ສາລະວັນ, ທ່ານ  ຈັນສີລອນ  ສີສົມບູນ  ກຳມະການພັກແຂວງ,  ເລຂາຄະນະບໍລິຫານງານຊາວໜຸ່ມແຂວງ, ທ່ານ ວັນນະລັກ ຫຼ້າຫຼ່ຽມທະວີໄຊ ຮອງເລຂາພັກເມືອງ ຫົວໜ້າຄະນະຈັດຕັ້ງເມືອງສາລະວັນ, ມີຄະນະບໍລິຫານງານຊາວໜຸ່ມອອ້ມຂ້າງແຂວງ, ເມືອງ,ເລຂາຊາວໜຸ່ມກຸ່ມບ້ານ ແລະ  ສະມາຊິກຊາວໜຸ່ມ  ເຂົ້າຮ່ວມທັງໝົດ 119 ຄົນ,ຍິງ 35 ຄົນ.

        ທ່ານ ກໍ່າສະໄໝ ແສນແທຫຼວງ ໄດ້ຜ່ານບົດຫຼຸບ ແລະ ທິດທາງແຜນການໃນການຈັດຕັ້ງປະຕິບັດຂໍ້ແຂ່ງຂັນ 4 ບຸກ ປີທີ II ຕໍ່ເນື່ອງ ຕໍ່ບັນດາແຂກ ແລະ ຜູ້ແທນທີ່ເຂົ້າຮ່ວມຄື: ບຸກດ້ານການເມືອງແນວຄິດ: ຄະນະບໍລິຫານງານຊາວໜຸ່ມເມືອງພະຍາຍາມເອົາໃຈໃສ່ຊຸກຍູ້ຕິດຕາມການສຶກສາອົບຮົມທາງດ້ານການເມືອງແນວຄິດຕິດພັນກັບການປັບປຸງການຈັດຕັ້ງຊາວໜຸ່ມ - ເຍົາວະຊົນເປັນຕົ້ນແມ່ນໄດ້ນຳເອົາເອກະສານມະຕິ,   ຄຳສັ່ງແນະນຳຕ່າງໆມາເຊື່ອມຊືມ ມີສະມາຊິກຊາວໜຸ່ມ-ເຍົາວະຊົນເຂົ້າຮ່ວມ 58,049 ເທື່ອຄົນ,ຍິງ 27,606 ເທື່ອຄົນ, ດ້ານນີ້ສາມາດບັນລຸໄດ້ 88,30%, ດ້ານການຝຶກຝົນຫຼໍ່ຫຼອມຮໍ່າຮຽນ: ຄະນະບໍລິຫານງານຊາວໜຸ່ມເມືອງພະຍາຍາມເອົາໃຈໃສ່ຊຸກຍູ້ໃຫ້ສະມາຊິກຊາວໜຸ່ມ-ເຍົາວະຊົນໄດ້ໄປຍົກລະດັບຄວາມຮູ້ດ້ານວິຊາຊີບ, ວິຊາສະເພາະ ຈໍານວນ 64 ທ່ານ, ຍິງ 18 ທ່ານ, ດ້ານນີ້ສາມາດບັນລຸໄດ້ 85,63%,  ບຸກດ້ານວຽກງານການຈັດຕັ້ງ: ຄະນະບໍລິຫານງານຊາວໜຸ່ມເມືອງພະຍາຍາມເອົາໃຈໃສ່ຊຸກຍູ້ປັບປຸງ ແລະ ຂະຫຍາຍການຈັດຕັ້ງໃຫ້ເພີ່ມຂື້ນໃນແຕ່ລະປີ  ເຊີ່ງໃນປະຈຸບັນທົ່ວເມືອງມີ 164 ໜ່ວຍ, ສາມາດຮັບຮອງເປັນໜ່ວຍ 4 ບຸກ 148 ໜ່ວຍ,ສະມາຊິກຊາວໜຸ່ມປະຊາຊົນ ປະຕິວັດລາວ 4 ບຸກມີ 4.617 ທ່ານ,ຍິງ 2,049 ທ່ານ.  ສະມາຊິກເຍົາວະຊົນທັນວາທັງໝົດ 10.645 ນ້ອງ,ຍິງ 5,730 ນ້ອງ, ຈັດແບ່ງກອງເຍົາວະຊົນທັນວາອອກເປັນ 78 ກອງ, 262 ໝວດ, 2,358 ໜູ່, ຕົວແບບກອງ 3ດີ 4 ຮູ້ ໄດ້ 63 ກອງ. ດ້ານນີ້ບັນລຸໄດ້ 86,32%, ບຸກດ້ານວິຊາຊີບສ້າງວຽກເຮັດງານທຳ: ຄະນະບໍລິຫານງານຊາວໜຸ່ມເມືອງໄດ້ເອົາໃຈໃສ່ຊຸກຍູ້ໃຫ້ຊາວໜຸ່ມໄດ້ມີວິຊາຊີບສ້າງວຽກເຮັດງານທຳເຊັ່ນ ການປູກຝັງ,ລ້ຽງສັດ ແລະ ຍັງສ້າງກອງທືນຊ່ວຍເຫຼືອເຊີ່ງກັນ ແລະ ກັນຂຶ້ນຂອງແຕ່ລະໜ່ວຍບໍ່ຕ່ຳກວ່າ 500,000ກີບ,ທົວເມືອງມີເງິນກອງທຶນທັງໝົດ 60 ລ້ານກວ່າກີບ  ດ້ານນີ້ສາມາດບັນລຸໄດ້ 85,17 %. ແລະ ພ້ອມກັນວາງ ຄາດໝາຍສູ້ຊົນໂດຍປະຕິບັດຕາມບົດແນະນຳ ເລກທີ 421/ລຂ  ຄື: ບຸກດ້ານການເມືອງແນວຄິດ: ດ້ານນີ້ສູ້ຊົນໃຫ້ໄດ້ 92%,  ດ້ານການຝຶກຝົນຫຼໍ່ຫຼອມຮໍ່າຮຽນ: ດ້ານນີ້ຈະສູ້ຊົນໃຫ້ໄດ້ 90%, ບຸກດ້ານວຽກງານການຈັດຕັ້ງ: ດ້ານນີ້ຈະສູ້ຊົນໃຫ້ໄດ້ 91%, ບຸກດ້ານວິຊາຊີບສ້າງວຽກເຮັດງານທຳ: ດ້ານນີ້ຈະສູ້ຊົນໃຫ້ໄດ້ 90%,

         ຕອນທ້າຍຍັງໄດ້ຮັບຟັງຄຳໂອ້ລົມ ແລະ ຊີ້ທິດເຍືອງທາງຂອງທ່ານ ຄໍາຈັນ ແຈ່ມສະໝອນ ທ່ານໄດ້ຍົກໃຫ້ເຫັນໝາກຜົນໆງານການເຄື່ອນໄຫວຂອງຊາວໜຸ່ມທີ່ຍາດມາໄດ້ ຄຽງຄູ່ກັບການສ້າງສາພັດທະນາປະເທດ ແລະ ທ່ານຍັງເນັ້ນໜັກຕື່ມອີກມີບາງທັດສະນະດັ່ງນີ້:

1. ຄະນະຊາວໜຸ່ມແຕ່ລະຂັ້ນຕ້ອງໄດ້ເອົາໃຈໃສ່ສືບຕໍ່ສຶກສາອົບຮົມການເມືອງ - ແນວຄິດຊາວໜຸ່ມ - ເຍົາວະຊົນຕິດພັນກັບການສ້າງຂະບວນການ ເຊືອມຊືມທຸກມະຕິຄຳສັ່ງຂອງຂັ້ນເທີງວາງອອກເພື່ອຕ້ານ ແລະ ສະກັດກັ້ນປະກົດການຫຍໍ້ທໍ້ໃນສັງຄົມທຸກຮູບແບບ, ຈຳແນກໄດ້ມິດ ແລະ ສັດຕູ້.

2.   ຕ້ອງຝຶກຝົນຫຼໍ່ຫຼອມຮໍ່າຮຽນຮອບດ້ານ ຮຽນວິຊາສະເພາະ,ວັດທະນາທຳປະເພນີ,ປະຫວັດສາດ,ຄຸນສົມບັດສີມທຳປະຕິວັດຂອງທ່ານຜູ້ນໍາ.

3.    ຕ້ອງໄດ້ມີຄວາມຮັບຜິດຊອບສູງຕໍ່ສະມາຊິກຂອງຕົນ ແລະ ສະມາຊິກກໍ່ຕ້ອງໄດຮັບຜິດຊອບຕໍ່ຕົນເອງ.

4.    ຕ້ອງໄດ້ປະກອບສ່ວນເຂົ້າໃນການປ້ອງກັນຊາດປ້ອງກັນຄວາມສະຫງົບເພື່ອຕ້ານ ແລະສະກັດກັ້ນປະກົດການຫຍໍ້ທໍ້ໃນສັງຄົມ

5.    ໃຫ້ຖືເອົາວຽກງານນີ້ຕິດພັນກັບວຽກງານສະເພາະຂອງແຕ່ລະກົມກອງ ຮາກຖານໂດຍສະເພາະແມ່ນສະມາຊິກຊາວໜຸ່ມ.

ໜ່ວຍຮາກຖານຊາວໜຸ່ມພະແນກແຮງງານ ແລະ ສະຫວັດດີການສັງຄົມແຂວງ ໄດ້ຈັດກອງປະຊຸມປະເມີນຂະບວນການຂໍ້ແຂ່ງຂັນ 4 ບຸກປະຈໍາສົກປີ 2014– 2015

      ໃນລະຫວ່າງຕົ້ນເດືອນ ທັນວາ 2015 ຜ່ານມານີ້ໜ່ວຍຮາກຖານຊາວໜຸ່ມພະແນກແຮງງານ ແລະ ສະຫວັດດີການສັງຄົມແຂວງສາລະວັນ,ໄດ້ຈັດກອງປະຊຸມປະເມີນຜົນການຈັດຕັ້ງປິຕິບັດຂະບວນການແຂ່ງຂັນ 4 ບຸກ

Read more...