Get Adobe Flash player

ຄະນະບໍລິຫານງານຊາວໜຸ່ມແຂວງສາລະວັນ,ຫວນຄືນມູນເຊື້ອປະຫວັດສາດຂອງພັກຂອງຊາດ ຕິດພັນກັບມະຕິ VIII ຂອງອົງຄະນະພັກແຂວງສາລະວັນ

 ເພື່ອປະຕິບັດຕາມການແຈ້ງການແນະນຳຂອງຄະນະໂຄສະນາອົບຮົມສູນກາງພັກເລກທີ28/ຄອສພ,ລົງວັນທີ20/10/2015ກ່ຽວກັບການໂຄສະນາປາຖະກາຖາເລົ່າມູນເຊືື້ອຂອງວັນສຳຄັນທາງປະຫວັດສາດຂອງຊາດ,ຂອງພັກເປັນຕົ້ນກໍ່ແມ່ນວັນປະກາດເອກະລາດ12ຕຸລາຄົບຮອບ70ປີ ແລະ ວັນຄ້າຍວັນເກີດ ປະທານໄກສອນ ພົມວິຫານ ຄົບຮອບ 95 ປີ.

(12/10/1945-12/10/2015)ແລະວັນຄ້າຍວັນເກີດຂອງທ່ານໄກສອນພົມວິຫານຄົບຮອບ95ປີປ13/12/1920-13/12/2015)ໃຫ້ເປັນຂະບວນການຟົດຟື້ນດັ່ງນັ້ນຄະນະບໍລິຫານງານຊາວໜຸ່ມແຂວງສາລະວັນຈີ່ງຈັດພິປະຖະກາຖາດັ່ງກ່າວຂື້ນໃນຄັ້ງວັນທີ11/11/2015ທີ່ສະໂມສອນກາງແຈ້ງຫ້ອງການຄະນະບໍລິຫານງານຊາວໜຸ່ມແຂວງສາລະວັນເຊີ່ງເປັນກຽດເລົ່າມູນເຊື້ອໃນຄັ້ງນີ້ໃຫ້ກຽດໂດຍ ທ່ານສີເຮັງ ຫອມສົມບັດ ຄະນະປະຈຳພັກແຂວງ,ຫົວໜ້າໂຄສະນາອົບຮົມແຂວງ,ມີທ່ານ ຈັນສີລອນ ສີສົມບູນ ກຳມະການພັກແຂວງ,ເລຂາຄະນະບໍລິຫານງານຊາວໜຸ່ມແຂວງສາລະວັນ,ມີຄະນະປະຈຳຄະນະບໍລິຫານງານຊາວໜຸ່ມແຂວງ,ຄະນະພັກຂອງອົງການພາຄີຂັ້ນແຂວງ,ສະມາຊິກຊາວໜຸ່ມ-ເຍົາວະຊົນ,ຈາກໜ່ວຍຮາກຖານອ້ອມຂ້າງແຂວງແລະສອງໂຮງຮຽນເຂົ້າຮ່ວມຮັບຟັງທັງໝົດ 511 ຄົນ,ຍິງ 230 ຄົນ.
 ໃນພິທິທ່ານ ສີເຮັງ ຫອມສົມບັດ ຄະນະປະຈຳພັກແຂວງ,ຫົວໜ້າໂຄສະນາອົບຮົມແຂວງກໍ່ໄດ້ຍົກໃຫ້ເຫັນກ່ອນໜ້ານີ້ກໍ່ຄືວັນທີ12ຕຸລາປີ1945ປະເທດລາວຕົກເປັນຫົວເມືອງຂື້ນຕ່າງດ້າວກວ່າຮອດສັດຕະວັດ,ໄດ້ລົ້ມລຸຄຸກຄານປະຊາຊົນລາວໄດ້ສູນເສຍຄວາມເປັນເອກະລາດ-ປະຊາທິປະໄຕຂາດອິດສະລະພາບກາຍເປັນຂ້ອຍຂ້າຂອງຂອງຕ່າງຊາດດ້ວຍມູນເຊື້ອທີ່ບໍ່ຍອມຈຳນົນປະຊາຊົນບັນດາເຜົ່າລາວໄດ້ລຸຮື້ຂື້ນຕໍ່ສູ້ຕ້ານຈັກກະພັດຕ່າງດ້າວຢ່າງເນື່ອງນິດລຽນຕິດແລະແຜ່ລາມໄປທົ່ວປະເທດກໍ່ໄດ້ຖືກປາບປາມຢ່າງໂຫດຮ້າຍປ່າເຖື່ອນເຖີງຈະບໍ່ໄດ້ຮັບໄຊຊະນະກໍ່ຕາມແຕ່ດ້ວຍການເສຍສະຫຼະຂອງປະຊາຊົນລາວບັນດາເຜົ່າໄດ້ສະແດງເຫັນວ່າ:ມີນໍ້າໃຈຮັກຊາດຢ່າງສູງສົ່ງ”ຍອມຕາຍດີກວ່າຍອມເປັນຂ້ອຍຂ້າຂອງຕ່າງຊາດອື່ນ”ຕໍ່ມາການຕໍ່ສູ້ຂອງປະຊາຊົນລາວບັນດາເຜົ່າເຊີ່ງມີພັກນຳພາທີ່ສະຫຼາດຊ່ອງໃສໄດ້ນຳພາຂະບວນການຕໍ່ສູ້ທຸກວິທີທາງເພື່ອເອົາຊະນະສັດຕູຜູ້ຮຸກຮານຈີ່ງໄດ້ຮັບໄຊຊະນະ,ຈົນຮອດວັນທີ12ຕຸລາປີ1945ຈີ່ງປະກາດໃຫ້ຊາວໂລກໄດ້ຮັບຮູ້ຄວາມເປັນມາຂອງຊາດລາວເຮົາກໍ່ຄືຮັບຮູ້ອະທິປະໄຕເຂດນໍ້າແດນດິນເຊີ່ງມາຮອດປະຈຸບັນຄົບຮອບ70ປີພໍດີ.
  ນອກນັ້ນທ່ານຍັງໄດ້ຍົກໃຫ້ເຫັນບັນດາຜົນສຳເລັດຂອງການປົດປ່ອຍເອກະລາດແຫ່ງຊາດ ແລະ ວິລະກຳມູນມໍລະດົກອັນລ້ຳຄ່າຂອງ ປະທານ ໄກສອນ ພົມວິຫານ ຜູ້ນຳທີ່ແສນເຄົາລົບຮັກ,ວິລະບູລຸດຂອງປວງຊົນລາວທັງຊາດ, ປະທານ ໄກສອນ ພົມວິຫານ ແມ່ນລູກຮັກຫຼານແພງຂອງປະຊາຊົນລາວບັນດາເຜົ່າ,ແມ່ນຜູ້ຮັກຊາດ,ນັກປະຕິວັດຜູ້ຍິ່ງໃຫຍ່ຂອງຊາດ,ວິລະບຸລຸດ,ຜູ້ນຳພັກ-ລັດ ປີຊາສາມາດ,ສະຫຼາດສ່ອງໃສແລະສະດຸ້ງໄວ,ໃນຕະຫຼອດຊີວິດຂອງທ່ານແມ່ນໄດ້ເສຍສະຫຼະເພື່ອຊາດເພື່ອປະຊາຊົນທຸກສີ່ງທຸກຢ່າງ.
 ຈຸດປະສົງໃນການຈັດພິທີປະຖະກາຖາເລົ່າມູນເຊື້ອໃນຄັ້ງນີ້ກໍ່ເພື່ອປູກຈິດສຳນຶກໃຫ້ຊາວໜຸ່ມ-ໄວໜຸ່ມແລະເຍົາວະຊົນໄດ້ຮັບຮູ້ເຖີງຄວາມເປັນມາຂອງປະເທດຊາດບ້ານເມືອງຂອງເຮົາແຕ່ອາດີດເຖີງປະຈຸບັນ,ກ່ອນຈະກາຍມາເປັນ ປະເທດສາທາລະນະລັດ ປະຊາທິປະໄຕ ປະຊາຊົນລາວ ແມ່ນໄດ້ຜ່ານຂະບວນວິວັດທະນາການແນວໃດແລະແມ່ນຜູ້ໃດເປັນຜູ້ນຳພາຈົນມາຮອດເທົ່າທຸກວັນນີ້ບໍ່ແມ່ນໄດ້ມາຢ່າງງ່າຍດາຍເພີ່ນຕ້ອງໄດ້ເສຍສະຫຼະອັນພິລະອາດຫານ,ຍອມເສຍເລືອດເນື້ອເຫື່ອແຮງແລະໃຫ້ຊາວໜຸ່ມ-ໄວໜຸ່ມແລະເຍົາວະຊົນຮູ້ຮັກປະເທດຊາດ,ຮັກບ້ານເກີດເມືອງນອນແລະຮັກທ່ານຜູ້ນຳທີ່ແສນເຄົາລົບຮັກຢ່າງສຸດໃຈ.