Get Adobe Flash player

ພະແນກແຜນການແລະການລົງແຂວງສາລະວັນ ຈະປະກາດເປັນໜ່ວຍ 4 ບຸກໃນຕົ້ນປີ 2016

ພະແນກແຜນການແລະການລົງແຂວງສາລະວັນຈະປະກາດເປັນໜ່ວຍ 4 ບຸກໃນຕົ້ນປີ 2016
ເພື່ອປະຕິບັດຕາມບົດແນະນຳ 096/ລຂ, ລົງ 22 ກຸມພາ 2012, ມະຕິກອງປະຊຸມໃຫຍ່ຂອງຜູ້ແທນຊາວໜຸ່ທົ່ວແຂວງສາລະວັນຄັ້ງທີ VI ທີ່ວາງອອກດັ່ງນັ້ນທາງຄະນະບໍລິຫານງານ ຊາວໜຸ່ມແຂວງສາລະວັນຈີງຊຸຍູ້ບັນໜ່ວຍອ້ອມຂ້າງແຂວງ ແລະ ໃຫ້ໄດ້ເປີດຂະບວນການແຂງຂັນທົ່ວແຂວງ

ພາຍໄຕ້ຫົວຂໍ້ 4 ບຸກໃຫ້ເປັນຂະບວນການຟົດຟື້ນ ຕິດພັນກັບຂໍ້ແຂ່ງຂັນຮັກຊາດ ແລະ ພັດທະນາ ໜ່ວຍຮາກຖານຊາວໜຸ່ມພະແນກແຜນການ ແລະ ການລົງທືນແຂວງສາລະວັນ,ແມ່ນໜ່ວຍເອກະລາດຂື້ນກັບຄະນະບໍລິຫານງານຊາວໜຸ່ມແຂວງໂດຍກົງເຄື່ອນໄຫວພາຍໄຕ້ການຊີ້ນຳໆພາຂອງພັກທີ່ຂື້ນກັບໂດຍກົງຮອບດ້ານ ມີສະມາຊິກຊາວໜຸ່ມທັງໝົດ ມີ 48 ສະຫາຍ, ຍິງ 23 ສະຫາຍ, ຄະນະບໍລິຫານງານຊາວໜຸ່ມແຂວງ 01 ສະຫາຍ, ຄະນະໜ່ວຍ 03 ສະຫາຍ, ຍິງ 01 ສະຫາຍ. 

       ໃນຕອນບ່າຍຂອງວັນທີ 21 ຕຸລາ 2015 ຜ່ານມານີ້ຢູ່ທີ່ສະໂມສອນພະແນກແຜນການ ແລະ ການລົງທືນແຂວງ ໜ່ວຍຮາກຖານຊາວໜຸ່ມພະແນກແຜນການ ແລະ ການລົງທືນແຂວງໄດ້ເປີດຂະບວນການແຂ່ງຂັນ 4 ບຸກຢ່າງເປັນທາງການພາຍໄຕ້ການເປັນປະທານຂອງ ສະຫາຍ ນ. ວິໄລພອນ ດ້ວງປັນຍາ ຄະນະບໍລິຫານງານຊາວໜຸ່ມແຂວງເລຂາໜ່ວຍຮາກຖານພະແນກແຜນການ ແລະ ການລົງທືນແຂວງ,ເຂົ້ນຮ່ວມພິທີໃນຄັ້ງນີ້ ໂດຍ ທ່ານ ຈັນສີລອນ ສີສົມບູນ ກຳມະການພັກແຂວງ ເລຂາຄະນະບໍລິຫານງານຊາວໜຸ່ມແຂວງ,ມີທ່ານ ໄຊຍະເດດວົງສາຣະວັນ ກຳມະການພັກແຂວງ ຫົວໜ້າພະແນກແຜນການ ແລະ ການລົງທືນແຂວງ, ມີຄະນະປະຈຳຄະນະບໍລິຫານງານຊາວໜຸ່ມອ້ອມຂ້າງແຂວງພ້ອມດ້ວຍສະມາຊິກຊາວໜຸ່ມເຂົ້າຮ່ວມທັງໝົດ 59 ສະຫາຍ, ຍິງ 27 ສະຫາຍ.
       ໃນພິທີໄດ້ຮັບຟັງການຜ່ານເອກະສານແຜນສູ້ຊົນ ເຊີ່ງນຳສະໂດຍ: ສະຫາຍ ສັນຈອນ ສິງຈັນເພັງ ຮອງເລຂາໜ່ວຍຮາກຖານພະແນກແຜນການ ແລະ ການລົງທືນແຂວງເຊີ່ງລະດ້ານແມ່ນໄດວາງຄາດໄວ້ຕ້ອງໃຫ້ບັນລຸເຊັ່ນ:
1.ບຸກທາງດ້ານແນວຄິດ: ເອົາໃຈໃສ່ສຶກສາອົບຮົມຄຸນທາດການເມືອງ,ທັດສະນະຫຼັກໝັ້ນຊົນຊັ້ນ,ແນວທາງນະໂຍບາຍ,ມະຕິຂອງພັກ ຂອງຄະນະຊາວໜຸ່ມໃຫ້ສະມາຊິກພາຍໃນໜ່ວຍຮັບຮູ້ແລະເຂົ້າໃຈຢ່າງຖຶກຕ້ອງມີຄວາມເຊື່ອໝັ້ນຢ່າງເຕັມໃຈ,ມີຄວາມຮັບຜິດຊອບສູງເປັນເຈົ້າການໃນການຈັດຕັ້ງຜັຂະຫຍາຍມະຕິຂອງພັກລະບຽບກົດໝາຍຂອງລັດ ,ເຂົ້າຮ່ວມຮັບຟັງປາຖະກາຖາເນື່ອງໃນວັນສຳຄັນຕ່າງໆ ໃຫ້ບັນລຸໄດ້90%
2.ຝຶກຝົນຫຼໍ່ຫຼອມຮໍ່າຮຽນ: ສູ້ຊົນສຶກສາອົບຮົມຍົກລະດັບທາງວິຊາສະເພາຫຼືທິດສະດີການເມືອງການປົກຄອງ,ຮຽນແບບແຜນດຳລົງຊີວິດຂອງທ່ານຜູ້ນຳທີ່ປອດໃສຂາວສະອາດ,ຊອກຮຽນຮູ້ເອົາຄຸນບັດສີນທຳປະຕິວັດ,ຮຽນປະຫວັດສາດ,ພາສາຕ່າງໆປະເທດຕາມແຜນໃຫ້ບັນລຸ90%
3.ການຈັດຕັ້ງ:ຈະເອົາໃຈໃສ່ປັບປຸງກົງຈັກການຈັດຕັ້ງໃຫ້ໜັກແໜ້ນເຂັ້ມແຂງທາງດ້ານປະລິມານ ແລະ ຄຸນນະພາບ,ເສຍເງີນສະຕິບຳລຸງເປັນປະຈຳ ແລະ ປະກອບສ່ວນເຂົ້າໃນວຽກງານທີ່ອົງການຈັດຕັ້ງມະຫາຊົນ ແລະ ອົງການຈັດຕັ້ງອື່ນໆ ໃຫ້ບັນລຸໄດ້ 100%
4.ດ້ານວິຊາຊີບ: ສູ້ຊົນໃຫ້ສະມາຊິກພາຍໃນໜ່ວຍປະກອບສ່ວນປະຕິບັດໜ້າທີ່ວິຊາສະເພາະຢ່າງມີຄວາມຕໍ່ອາຊີບຂອງຕົນ ແລະ ເອົາໃຈໃສ່ສ້າງເສດຖະກິດຄອບຄົວໃຫ້ຖຶກຕ້ອງຕາມລະບຽບກົດໝາຍ. ໃຫ້ບັນລຸໄດ້ 90%
      ໃນຕອນທ້າຍຕອນທ້າຍຂອງພິທີ ຍັງຮັບຟັງການໂອ້ລົມ ຈາກ ທ່ານ ຈັນສີລອນ ສີສົມບູນ ກຳມະການພັກແຂວງ,ເລຂາຄະນະບໍລິຫານງານຊາວໜຸ່ມແຂວງເຊີ່ງເພີ່ນມີທັດສະນະທ່ານ ໄດ້ເນັ້ນໜັກຕໍ່ສະມາຊິກຊາວໜຸ່ມແຂກ ແລະ ຜູ້ແທນຄື:
1.ຕ້ອງໄດ້ເຂົ້າໃຈທີ່ຕັ້ງພະລະບົດບາດຂອງຊາວໜຸ່ມວ່າ: ຍ້ອນຫຍັງສັງຄົມ,ຄະນະພັກອຳນາດການປົກຄອງຈີ່ງໄວ້ວາງໃຈ,ເພາະວ່າຊາວໜຸ່ມຈະເປັນຜູ້ສືບທອດພາລະກິດຂອງພັກ. ຂໍ້ແຂ່ງຂັນ 4 ບຸກນີ້ກໍ່ເປັນເງື່ອນໄຂໜື່ງທີ່ຈະເຮັດໃຫ້ພະນັກງານເຮົາກ້າວຂື້ນໄປເປັນພະນັກງານການນຳໃນຂັ້ນຕ່າງໆ.
2.ການປະຕິບັດຂໍ້ແຂ່ງຂັນ 4 ບຸກນີ້ມັນເປັນການນຳເອົາເນື້ອໃນຈິດໃຈຂອງມະຕິ IX ຂອງກົມການເມືອງສູນການພັກທີ່ຫັນເຂົ້າສູ່ຊີວິຕົວຈິງ ທັງເປັນການເຕົ້າໂຮມເອົາກຳລັງແຮງຂອງຊາວໜຸ່ມເປັນອັນໜື່ງອັນດຽວເພື່ອເຮັດສຳເລັພາລະກິດຂອງຂອງຊາດ, ຂອງພັກກໍ່ຄືຂອງສູນກາງຊາວໜຸ່ມທີ່ວາງລົງມາ.