Get Adobe Flash player

8 ໜ່ວຍຮາກຖານຂອງ ເມືອງສາລະວັນ ໄດ້ປະກາດເປັນໜ່ວຍຕົວແບບ 4 ບຸກ

8 ໜ່ວຍຮາກຖານຂອງເມືອງສາລະວັນ,ໄດ້ປະກາດເປັນໜ່ວຍຕົວແບບ4ບຸກຄັ້ງທຳອິດໃນຕົ້ນເດືອນຕຸລາ2015ຢູ່ທີ່ຫ້ອງປະຊຸມຫ້ອງການຄຊປປລແຂວງສາລະວັນ ໄດ້ຈັດພິທີປະກາດໜ່ວຍຮາກຖານຊາວໜຸ່ມອ້ອມຂ້າງເມືອງສາລະວັນ8ໜ່ວຍຄື:

ໜ່ວຍຮາກຖານຊາວໜຸ່ມຫ້ອງການຊັບພະຍາກອນທຳມະຊາດແລະສີ່ງແວດລ້ອມ,ໜ່ວຍຮາກຖານຊາວໜຸ່ມສານປະຊາຊົນເຂດ1,ໜ່ວຍຊາວໜຸ່ມຮາກ ຖານອົງການໄອຍະການປະຊາຊົນເຂດ1,ໜ່ວຍຊາວໜຸ່ມຮາກຖານຫ້ອງການໂຍທາທິການແລະຂົນສົ່ງ,ໜ່ວຍຊາວໜຸ່ມຮາກຖານຫ້ອງການສຶກສາທິການ ແລະ ກິລາ, ໜ່ວຍຊາວໜຸ່ມຮາກຖານຫ້ອງການ ສາທາລະນະສຸກ, ໜ່ວຍຊາວໜຸ່ມຮາກຖານຫ້ອງການ ອຸສະຫະກຳ ແລະ ການຄ້າ, ໜ່ວຍຊາວໜຸ່ມຮາກຖານ ຫ້ອງການ ປກສ ເມືອງ ເປັນໜ່ວຍ 4 ບຸກ ເປັນກຽດເຂົ້າຮ່ວມເປັນປະທານຂອງທ່ານ ດຣ ພິດສະໄໝ ເຂັມວິໄລ ຄະນະປະຈຳພັກເມືອງໆສາລະວັນ,ປະທານແນວລາວສ້າງຊາດເມືອງຜູ້ຊີ້ນຳອົງການຈັດຕັ້ງມະຫາຊົນຂັ້ນເມືອງມີທ່ານ ກຳສະໄໝ ແສນແທຫຼວງ ກຳມະການພັກເມືອງ,ຄະນະປະຈຳຄະນະບໍລິຫານງານຊາວໜຸ່ມແຂວງ, ເລຂາຄະນະບໍລິຫານງານຊາວໜຸ່ມເມືອງສາລະວັນ,ຄະນະພັກຄະນະບໍລິຫານງານຊາວໜຸ່ມ,ພ້ອມດ້ວຍສະມາຊິກຊາວໜຸ່ມອ້ອມຂ້າງທີ່ເຂົ້າຮ່ວມທັງໝົດ 55 ທ່ານ, ຍິງ 23 ທ່ານ.ຕາມລາຍງານໃນພິທີຮັບໃບຢັ້ງຢືນຂອງໜ່ວຍຕົວແບບ 4 ບຸກ ຂອງທ່ານ ຕຸ້ຍ ກັນຕິຈັນ ເລຂາໜ່ວຍຊາວໜຸ່ມຮາກຖານສານປະຊາຊົນເຂດ 1 ເມືອງສາລະວັນເຊີ່ງໄດ້ຕາງໜ້າໃຫ້ໜ່ວຍທັງ 8 ໜ່ວຍຮາກຖານໃຫ້ຮູ້ວ່າ: ໜ່ວຍຮາກຖານແຕ່ລະໜ່ວຍເປັນໜ່ວຍເອກະລາດຂື້ນກັບຄະນະບໍລິຫານງານຊາວໜຸ່ມເມືອງ ແລະ ພາຍໄຕ້ການຊີ້ນຳໆພາຂອງ ຄະນະພັກຫ້ອງການທີ່ກ່ຽວຂ້ອງໂດຍກົງຮອບດ້ານ, ທັງ 8 ໜ່ວຍມີສະມາຊິກຊາວໜຸ່ມທັງໜົດ 412 ສະຫາຍ, ຍິງ 228 ສະຫາຍ. ບຸກທາງດ້ານແນວຄິດບັນລຸໄດ້ 90% ເຊີ່ງມັນສະແດງອອກໃນການເຂົ້າຮ່ວມຮັບຟັງປາຖະກາຖາເນື່ອງໃນວັນສຳຄັນຕ່າງໄດ້ 25 ຄັ້ງ,ມີຈຳພົນເຂົ້າຮ່ວມ350 ຄົນ,ຍິງ 170 ຄົນ ແລະ ເຂົ້າຮ່ວມຮັງຟັງການເຜີຍແຜ່ມະຕິຄຳສັງຂອງຂັ້ນເທີງວາງອອກໄດ້ 21 ຄັ້ງ ມິ285 ເທື່ອຄົນ, ຍິງ 117 ເທື່ອຄົນ. ບຸກທາງດ້ານການຝຶກຜົນຫຼໍ່ຫຼອມຮໍ່າຮຽນບັນລຸໄດ້90%ສະແດງອອກພະນັກງານມີຄວາມຕືນຕົວສະໝັກໃຈໄປຍົກລະດັບວິຊາສະເພາະປະລີນຍາຕີ 13 ສະຫາຍ, ຊັ້ນສູງ 12 ສະຫາຍ, ຍິງ 1 ສະຫາຍ, ທິດສະດີຊັ້ນສູງ 1 ສະຫາຍ ,ທິດສະດີຊັ້ນກາງ 2 ສະຫາຍ ແລະ ຝຶກອົບຮົມໄລຍະສັ້ນ 45 ວັນ 3 ສະຫາຍ. ບຸກທາງດ້ານການຈັດຕັ້ງ ແມ່ນໄດ້ເສຍເງິນສະຕິບຳລຸງ ຢ່າງເປັນປະຈຳ ແລະ ສົ່ງໃຫ້ຂັ້ນເທິງຖັດຕົນຕາມລະບຽບການ ຄືໃນສົກປີ 2014-2015 ເກັບເງີນສະຕິໄດ້ 8,514,000 ກີບ. ບຸກດ້ານວິຊາຊີບສ້າງວຽກເຮັດງານທຳ: ສະມາຊິກຊາວໜຸ່ມພາຍໃນ 8 ໜ່ວຍນີ້ແມ່ນໄດ້ເອົາໃຈ ໃສ່ ໃນການສ້າງວຽກເຮັດງານທຳເພີ່ມຕີ່ມນອກຈາກເງິນເດືອນເພື່ອ້ສ້າງເສດຖະກິດຄອບຄົວໃຫ້ມີຄວາມເຂັ້ມແຂງພາຍໄຕ້ລະບຽບກົດໝາຍຂອງລັດ ແລະ ແຜນພັດທະນາເສດຖະກິດສັງຄົມ ຈົນເຮັດໃຫ້ມີລາຍຮັບ 5,000,000 ກີບຕໍ່ປີ,ມີບ່າງຄອບຄອບ 60,000,000 ກີບຕໍ່ປີ. ແລະ 8 ໜ່ວຍມີເງິນກອງທືນທັງໝົດ ເກີບຮອດ 9,000,000 ກີບ.

      ໃນຕອນທ້າຍຂອງພິທີຍັງໄດ້ຮັບຟັງຄຳເຫັນໂອລົມຊີ້ທິດເຍືຶອງທາງ ຂອງທ່ານ ດຣ ພິດສະໄໝ ເຂັມວິໄລ ຄະນະປະຈຳພັກເມືອງໆສາລະວັນ,ປະທານແນວລາວສ້າງຊາດເມືອງຜູ້ຊີ້ນຳອົງການຈັດຕັ້ງມະຫາຊົນຂັ້ນເມືອງທີ່ມີບາງສະນະຄື:
1, ຊາວໜຸ່ມຍຸກໃໝ່ຕ້ອງເອົາໃຈໃສ່ຕິດຕາມຂໍ້ມູນຂ່າວສານດ້ວຍຫຼາຍຊ່ອງທາງ ແລະ ກໍ່ຕ້ອງຈຳແນກໄດ້ອັນໃດຖືກຫຼືຜິດ,ອັນໃດຈີງບໍ່ຈີງ.
2, ເອົາໃຈໃສ່ເຊື່ອມຊືມ,ກຳແໜ້ນແນວທາງນະໂຍບາຍຂອງພັກໄດຍສະເພາະກໍ່ຄືມະຕິຄຳສັ່ງຂອງສູນການງຊາວໜຸ່ມປະຊາຊົນປະຕິວັດລາວວາງອອກຄື: ຂໍ້ແຂ່ງຂັນ 4 ບຸກ.
3, ຕ້ອງໄດ້ປັບອົງການຈັດຕັ້ງໃຫ້ເຂັ້ມແຂງແລະ ຮັກສາໃຫ້ໄດ້ນາມມະຍຸດ ໜ່ວຍ 4 ບຸກໃນປີຕໍ່ໄປໃຫ້ໄດຕາມມາດຖານເງື່ອນໄຂທີ່ຂັ້ນເທີງວາງອອກ.
4, ຕ້ອງໄດ້ປະກອສ່ວນເຂົ້າໃນການປ້ອງກັນຊາດປ້ອງກັນຄວາມສະຫງົບເພື່ອຕ້ານ ແລະ ສະກັດກັ້ນປະກົດການຫຍໍ້ທໍ້ໃນສັງຄົມ.
5, ໃຫ້ຖືເອົາວຽກງານນີ້ຕິດພັນກັບວຽກງານວິຊາສະເພາະຂອງແຕ່ລະກົມກອງ ຮາກຖານໂດຍສະເພາກໍ່ແມ່ນສະມາຊິກຊາວໜຸ່ມ.