Get Adobe Flash player

ຄະນະບໍລິຫານງານຊາວໜຸ່ມແຂວງ ລົງເຜີຍແຜ່ມະຕິກອງປະຊຸມໃຫຍ່ຄັ້ງທີ VI ລົງສູ່ເມືອງ

ມະຕິກອງປະຊຸມໃຫຍ່ຄັ້ງທີ VI ຜູ້ແທນຊາວໜຸ່ມ ແຂວງສາລະວັນ ຖຶກຜັນຂະຫຍາຍລົງສູ່ເມືອງ
ຕອນເຊົ້າຂອງວັນທີ 15 ກັນຍາ 2015 ຜ່ານມານີ້ ຄະນະບໍລິຫານງານຊາວໜຸ່ມ ແຂວງສາລະວັນ ນໍາໂດຍ ທ່ານ ຈັນສີລອນ ສີສົມບູນ ກໍາມະການພັກແຂງ ເລຂາຄະນະບໍລິຫານງານຊາວໜຸ່ມແຂວງສາລະວັນ ພ້ອມດ້ວຍຄະນະ ໄດ້ລົງເຄື່ອນໄຫວເຜີຍແຜ່ຜົນສໍາເລັດກອງປະຊຸມໃຫ່ຍຜູ້ແທນຊາວໜຸ່ມທົ່ວແຂວງສາລະວັນ ຄັ້ງທີ VI.

 

ກອງປະຊຸມໄດ້ຈັດຂື້ນຢູ່ທີ່ສະໂມສອນໃຫ່ຍຂອງເມືອງຕຸ້ມລານ ເປັນກຽດເຂົ້າຮ່ວມຂອງທ່ານ ຈັນສະໝອນ ພົມມະແສງ ກໍາມະການພັກແຂງ ເລຂາພັກເຈົ້າເມືອງໆຕຸ້ມລານ, ມີທ່ານ ຂັນທອງ ວັນນຸວົງ ຮອງເລຂາຄະນະບໍລິຫານງານຊາວໜຸ່ມເມືອງຕຸ້ມລານ ພ້ອມດ້ວຍ ຄະນະບໍລິຫານງານຊາວໜຸ່ມເມືອງ,ເລຂາໜ່ວຍຊາວໜຸ່ມອ້ອມຂ້າງ,ພະນັກງານອາວຸໂສບໍານານ ແລະ ສະມາຊິກຊາວໜຸ່ມເຂົ້າຮ່ວມ 151 ກ່ວາຄົນ, ຍິງ 60 ກ່ວາຄົນ.

ກອງປະຊຸມ ຍັງໄດ້ຮັບຟັງການເຜີຍແຜ່ຂໍ້ຕົກລົງຮັບຮອງເອົາຄະນະບໍລິຫານງານຊາວໜຸ່ມ ແຂວງ ສາລະວັນ ຄັ້ງທີ VI ເຊິ່ງສະເໜີໂດຍ ທ່ານ ນ ອ່ອນສາ ຄໍາໄພວັນ ຄະນະປະຈໍາ ຄະນະບໍລິຫານງານຊາວໜຸ່ມແຂວງສາລະວັນ, ຫົວໜ້າຫ້ອງການຊາວໜຸ່ມແຂວງສາລະວັນ, ກອງປະຊຸມໃຫ່ຍຄັ້ງທີ VI ຂອງຜູ້ແທນຊາວໜຸ່ມທົ່ວແຂວງສາລະວັນ ໄດ້ຕົກລົງເຫັນດີຮັບຮອງເອົາ ຄະນະບໍລິຫານງານຊາວໜຸ່ມ ປະຊາຊົນ ປະຕິວັດລາວ 33 ທ່ານ, ຄະນະປະຈໍາ 09 ທ່ານ, ປະຈຳການ ຢູ່ຫ້ອງການ ຄຊປປລ ມີ 4 ທ່ານ ຄື: ທ່ານ ຈັນສີລອນ ສີສົມບູນ ເປັນເລຂາ ຄຊປປລ ແຂວງ, ທ່ານ ຈັນເພັງ ສາທຳມະວົງເປັນ ຮອງເລຂາ, ທ່ານ ສຸວຽງທອງ ສຸຂະວົງ ຮອງເລຂາປະທານກວດກາ , ທ່ານ ນ ອ່ອນສາ ຄໍາໄພວັນ ຄະນະປະຈໍາ ຫົວໜ້າຫ້ອງການຄະນະບໍລິຫານງານຊາວໜຸ່ມແຂວງສາລະວັນ ຈາກນັ້ນກໍ່ຍັງໄດ້ຮັບຟັງການເຜີຍແຜ່ແຜນແບ່ງປັນຄວາມຮັບຜິດຊອບວຽກງານໃນຄະນະບໍລິຫານງານຊາວໜຸ່ມແຂວງ ເຊິ່ງນໍາສະເໜີໂດຍ ທ່ານ ຈັນເພັງ ສາຍທໍາມະວົງ ຮອງເລຂາຄະນະບໍລິຫານງານຊາວໜຸ່ມ ແຂວງສາລະວັນ ກອງປະຊຸມຍັງໄດ້ແລກປຽ່ນບົດຮຽນເຊິ່ງກັນ ແລະ ກັນ ກຽ່ວກັບປະກົດການຫຍໍ້ທໍ້ໃນກຸ່ມຊາວໜຸ່ມ-ໄວໜຸ່ມ ໃນທົ່ວເມືອງ, ວຽກງານການສ້າງຂະບວນການ 4 ບຸກຂອງເມືອງ ຫຼັງຈາກນັ້ນກໍ່ໄດ້ມອບເງີນຈໍານວນ 5.000.000 ກີບ ໃຫ້ເມືອງເພື່ອນໍາໃຊ້ເຂົ້າໃນວຽກງານ 4 ບຸກ ແລະ ປື້ມວາລະສານຈໍານວນ 250 ຫົວ.
ໃນຕອນທ້າຍ ຍັງໄດ້ຮັບຟັງຄໍາໂອ້ລົມ ຈາກ ທ່ານ ເຈົ້າເມືອງໆຕຸ້ມລານ ເພິ່ນໄດ້ເນັ້ນໜັກໃຫ້ແກ່ສະມາຊິຊາວໜຸ່ມ-ໄວໜຸ່ມ ຕ້ອງໄດ້ແກ້ໄຂປະກົດການຫຍໍ້ທໍ້ໃນໝູ່ຊາວໜຸ່ມ, ກຳແໜ້ນເນື້ອໃນຂໍ້ແຂ່ງຂັນ 4 ບຸກ ເພາະມັນໄດ້ເປັນໄມ້ຫຼາວັດແທກສະມາຊິກຊາວໜຸ່ມພວກເຮົາທຸກຄົນເພື່ອຈະກາຍເປັນບຸກຄົນຕົວແບບ 4 ບຸກ, ຕ້ອງໄດ້ສູ້ຊົນບຸກບືນໃຫ້ໄດ້ປະກາດເປັນເມືອງຕົວແບບ 4 ບຸກໃຫ້ໄດ້ ຕາມເງື່ອນໄຂທີ່ຂັ້ນເທີງວາງອອກ.