Get Adobe Flash player

ເມືອງເລົ່າງາມແຂວງສາລະວັນ ໄດ້ຢັ້ງຢືນເປັນເມືອງ 4 ບຸກເມືອງທຳອິດຂອງແຂວງ

ເມືອງເລົ່າງາມແຂວງສາລະວັນ ໄດ້ຢັ້ງຢືນເປັນເມືອງ 4 ບຸກເມືອງທຳອິດຂອງແຂວງ
ໂດຍປະຕິບັດຕາມບົດແນະນຳ 096 / ລຂ,ລົງວັນທີ 22 ກຸມພາ 2012 ຂອງມະຕິກອງປະຊຸມໃຫຍ່ຄັ້ງທີ VI ຂອງສູນກາງ ຊາວໜຸ່ມປະຊາຊົນປະຕິວັດລາວ ແລະ ມະຕິ  VI ຂອງກອງປະຊຸ່ມໃຫຍ່ຜູ້ແທນຊາວໜຸ່ມທົວແຂວງສາລະວັນ, ເມືອງເລົ່າງາມເປັນເມືອງໜື່ງທີ່ຂື້ກັບແຂວງສາລະວັນ ເຊີ່ງຫ່າງຈາກເທດສະບ້ານແຂວງ ເກືອບ 50 ກິໂລແມັດ ມີເສັ້ນທາງເລກ 20 ຜ່ານ, ທິດຕາເວັນອອກຕຕິດກັບເມືອງທ່າແຕງ,ແຂວງເຊກອງ ທິດຕາເວັນຕົກຕິດກັບເມືອງບາຈຽງ ແຂວງຈຳ ປາສັກ, ທິດເໜືອຕິດກັບເມືອງວາປີ, ທິດໄຕ້ຕິດກັບເມືອງຄົງເຊໂດນ.

 

ມີເນື້ອທີ່ລວມທັງໝົດ 90 ພັນກວ່າເຮັກຕາ, ມີ ກຸ່ມ 97 ບ້ານ, ມີປະຊາກອນ 71 ພັນກວ່າ ຄົນ, ອາຊີບຫຼັກຂອງຂອງປະຊາຊົນຢູ່ເຂດນີ້ແມ່ນປູກຝັງເປັນສ່ວນ ໃຫຍ່, ມີ 9 ເຜົ່າ, ມີຊາວໜຸ່ມໃນລະຫວ່າງ15-35 ປີ ເກືອບ 12  ພັນຄົນ, ຍິງ ເກືອບ 6.000 ຄົນ, ມີສະມາຊິກ ຊາວໜຸ່ມປະຊາຊົນປະຕິວັດລາວ  ເກືອບ 5.000 ສະຫາຍ, ຍິງ 2.000 ກວ່າສະຫາຍ.
    ທ່ານ ແກ້ວວິໄລແຜນສົມບັດ ໄດ້ລາຍງານ ຕໍ່ພິປະກາດເມືອງເມືອງເລົ່າງາມເປັນເມືອງ 4 ບຸກຕໍ່ບັນດາແຂກ ແລະ ຜູ້ແທນທີ່ເຂົ້າຮ່ວມໄດ້ຮັບການບັນລຸ ແຜນສູ້ຊົນແຕ່ລະດ້ານເມື່ອຄັ້ງວັນທີ 15/10/2015 ທີ່ສະໂມສອນໃຫຍ່ເມືອງເມືອງເລົ່າງາມວ່າ: ດ້ານການເມືອງແນວຄິດ: ຄະນະບໍລິຫານງານຊາວໜຸ່ມເມືອງ ພະຍາຍາມເອົາໃຈໃສ່ຊຸກຍູ້ຕິດຕາມໃຫ້ໄດ້ເປີດຂະບວນການສຶກສາອົບຮົມທາງດ້ານການເມືອງແນວຄິດຕິດພັນກັບການປັບປຸງການຈັດຕັ້ງຊາວໜຸ່ມ-ເຍົາວະຊົນເປັນ ຕົ້ນແມ່ນເອກະສາມະຕິ,ຄຳສັ່ງແນະນຳຕ່າງໆ ໄດ້ 30 ຄັ້ງ,ໃນ 80 ບ້ານ,ແລະ 36 ໜ່ວຍ ມີສະມາຊິກຊາວໜຸ່ມ-ເຍົາວະຊົນເຂົ້າຮ່ວມ 14 ພັນກວ່າຄົນ, 8 ພັນກວ່າຄົນ.ດ້ານການຝຶກຝົນຫຼໍ່ຫຼອມຮໍ່າຮຽນ: ຄະນະບໍລິຫານງານຊາວໜຸ່ມເມືອງພະຍາຍາມເອົາໃຈໃສ່ຊຸກຍູ້ໃຫ້ສະມາຊິກຊາວໜຸ່ມ-ເຍົາວະຊົນໄດ້ໄປຍົກລະດັບ ຄວາມຮູ້ດ້ານວິຊາຊີບ,ວິຊາສະເພາະແລະ ທິດສະດີຢູ່ທັງພາຍໃນ ແລະ ຕ່າງປະເທດ 67 ສະຫາຍ, ຍິງ 33 ສະຫາຍ, ປະລິຍາຕີ 9 ສະຫາຍ,ຍິງ 4 ສະຫາຍ,ຊັ້ນສູງ 46ສະຫາຍ, ຍິງ 27 ສະຫາຍ,ຊັ້ນກາງ 12 ສະຫາຍ,ຍິງ 2 ສະຫາຍ. ສະມາຊິກຊາວໜຸ່ມຢູ່ຂັ້ນຮາກຖານບ້ານແມ່ນລົບລ້າງການຈົນປະຖົມ 100%.  ບຸກດ້ານວຽກ ງານການຈັດຕັ້ງ:ຄະນະບໍລິຫານງານຊາວໜຸ່ມເມືອງພະຍາຍາມເອົາໃຈໃສ່ຊຸກຍູ້ໃຫ້ໄດ້ຂະຫຍາຍການຈັດຕັ້ງໃຫ້ເພີ່ມຂື້ນໃນແຕ່ລະປີ  ເຊີ່ງໃນປະຈຸບັນທົ່ວເມືອງມີ 133 ໜ່ວຍ, ໜ່ວຍອ້ອມຂ້າງເມືອງ 36 ໜ່ວຍ, ແລະ ໜ່ວຍຮາກຖານບ້ານ 97 ໜ່ວຍທຽບໃສ່ປີ 2012 ເພີ່ມຂື້ນ 45 ໜ່ວຍ,ຂະຫຍາຍສະມາຊິກໃໝ່ໄດ້ ເກືອບ 700 ສະຫາຍ ທຽບໃສ່2012ເພີ່ມຂື້ນເກືອບ 14 %ທຽບໃສ່ແຜນບັນລຸໄດ້ເກືອບ87%, ໄດ້ປັບປຸງ ແລະ ຂະຫຍາຍສະມາຊິກເຍົາວະຊົນທັງວາທັງໝົດເກືອບ 8 ພັນກວ່ານ້ອງ,ຍິງ ເກືອບ 4 ພັນນ້ອງ,ຂະຫຍາຍໃໝ່ ເກືອບ 2 ພັນນ້ອງ,ຍິງ 800ກວ່ານ້ອງ ມີ21 ກອງ 60 ໝວດ, 150 ໜູ່ທຽບໃສ່ ປີ 2012 ເພີ່ມຂື້ນ ເກືອບ 28 % ບຸກດ້ານວິຊາຊີບສ້າງວຽກເຮັດງານທຳ: ຄະນະບໍລິຫານງານຊາວໜຸ່ມເມືອງໄດ້ເອົາໃຈໃສ່ຊຸກຍູ້ໃຫ້ຊາວໜຸ່ມໄດ້ມີວິຊາຊີບສ້າງວຽກເຮັດງານທຳເຊັ່ນຜະລິດຫັດ ຖະກຳຕໍ່າແຜ່ນ,ແປຮູບຜະລິດຕະພັນອາຫານສາມາສ້າງລາຍຮັບ 1,300 ໂດລາ ຫຼື 10 ກວ່າລ້ານກບຕໍ່ຫົວຄົນຕໍ່ປີ ແລະ ຍັງສ້າງກອງທືນຊ່ວຍເຫຼືອເຊີ່ງກັນ ແລະ ກັນມີທັງໝົດ  ເກືອບ 300 ກວ່າລ້ານກີບ.
    ໃນພິທັງປະກາດເມືອງເລົ່າງາມເປັນເມືອງ 4 ບຸກໃນຄັ້ງນີ້ຜູ້ແທນແຂກທີ່ເຂົ້າຮ່ວມພ້ອມດ້ວຍຊາວໜຸ່ມ-ເຍົາວະຊົນຍັງໃຫ້ຮັບຟັງເຫັນໂອ້ລົມ ແລະຊີ້ທິດເຍືອງ ທາງຂອງທ່ານ ດຣ ຄຳຜາ ພີມມະສອນ ຮອງເລຂາຄະນະບໍລິຫານງານສູນກາງຊາວໜຸ່ມປະຊາຊົນປະຕິວັດລາວ ທ່ານ ໄດ້ຍົກໃຫ້ເຫັນໝາກຜົນໆ ງານການເຄື່ອນໄຫວ ຂອງຊາວໜຸ່ມແຕ່ລະຍົກແຕ່ລະສະໄໝແຕ່ກ່ອນເປັນຫົວເມືອງຂື້ນຂອງຊາວຕາງດ້າວຈົນມາຮອດປະຈຸບັນເຊີ່ງເປັນໄລຍະແຫ່ງປົກປັກຮັກສາ ແລະ ສ້າງສາພັດທະ ນາປະເທດເຊີ່ງມີພັກປະຊາຊົນປະຕິວັດລາວທີ່ສະຫຼາດສ່ອງໃສຊີ້ນຳໆພາທ່ານຍັງເນັ້ນໜັກຕື່ມອີກມີບາງທັດສະນະດັ່ງນີ້:
1. ຄະນະຊາວໜຸ່ມແຕ່ລະຂັ້ນຕ້ອງໄດ້ເອົາໃຈໃສ່ສືບຕໍ່ສຶກສາອົບຮົມການເມືອງ-ແນວຄິດຊາວໜຸ່ມ-ເຍົາວະຊົນຕິດພັນກັບການສ້າງຂະບວນການ ເຊືອມຊືມທຸກມະ ຕິຄຳສັ່ງຂອງຂັ້ນເທີງວາງອອກເພື່ອຕ້ານ ແລະ ສະກັດກັ້ນປະກົດການຫຍໍ້ທໍ້ໃນສັງທຸກຮູບແບບ, ຈຳແນກໄດ້ມິດ ແລະ ສັດຕູ້.
2. ຕ້ອງຝຶກຝົນຫຼໍ່ຫຼອມຮໍ່າຮຽນຮອບດ້ານ ຮຽນວິຊາສະເພາະ,ວັດທະນາທຳປະເພນີ,ປະຫວັດສາດ,ຄຸນສົມບັດສີມທຳປະຕິວັດຂອງທ່ານຜູ້ນໍາ.
3. ຕ້ອງໄດ້ມີຄວາມຮັບຜິດຊອບສູງຕໍ່ສະມາຊິກຂອງຕົນ ແລະ ສະມາຊິກກໍ່ຕ້ອງໄດຮັບຜິດຊອບຕໍ່ຕົນເອງ.
    ຫຼັງຈາກນັ້ນກໍ່ໄດ້ໄປຕັດແຖບຜ້າເພື່ອເປີດຢັ້ງຢືນເມືອງເປັນເມືອງ 4 ບຸກຢ່າງເປັນທາງການພາຍການເຂົ້າເປັນສັກຂີພະຍານຂອງທ່ານ ດຣຄຳຜາ ພີມມະສອນ ຮອງເລຂາຄະນະບໍລິຫານງານສູນກາງຊາວໜຸ່ມປະຊາຊົນປະຕິວັດລາວ,ມີ່ທ່ານບຸນທຽມ ແກ້ວໄຊຍະວົງ ຄະປະຈຳພັກແຂວງ ຫົວໜ້າຄະນະຈັດຕັ້ງແຂວງ,ທ່ານ ຈັນສີລອນສີສົມບູນ ກຳມະການພັກແຂວງ, ເລຂາຄະນະບໍລິຫານງານຊາວໜຸ່ມແຂວງ, ຄະນະປະຈຳພັກເມືອງ,ຄະນະຊາວໜຸ່ມເມືອງໄກ້ຄຽງ,ຄະນະບໍລິຫານງານຊາວ ໜຸ່ມຈາກໜ່ວຍອ້ອມຂ້າງແຂວງ,ອ້ອມຂ້າງເມືອງພ້ອມດ້ວຍສະມາຊິກຊາວໜຸ່ມເຍົາວະຊົນເຂົ້າຮ່ວມທັງໝົດ 660 ຄົນ, ຍິງ 390 ຄົນ ພິທີກໍ່ໄດ້ປິດລົງຢ່າງເປັນ ທາງການໃນໃນຕອນທຽງຂອງວັນທີ 15/10/2015.