Get Adobe Flash player

ຄະນະບໍລິຫານງານໜຸ່ມແຂວງສາລະວັນຕ້ອນຮັບອາສາສະໝັກຊາວໜຸ່ມແຂວງເທື່ອທຽນເຫ້ວ ສ.ສ ຫວຽດນາມໄດ້ມາເຄື່ອນໄຫວກວດພະຍາດ ແລະ ຈ່າຍຢາໂດຍບໍ່ເສຍຄ່າ

  ເພື່ອເພີ່ນທະວີ ແລະ ເສີມຂະຫຍາຍມູນເຊື້ອຄວາມສາມັກຄີມິດຕະພາບທີ່ມີມາແຕ່ດົນນານທັງສອງຊາດ,ສອງພັກ ສອງລັດ ລະຫວ່າງ ລາວ - ຫວຽດນາມ, ຫວຽດນາມ-ລາວ ໃຫ້ມີຄວາມຜູກພັນໄກ້ຊິດຕິດແທດໜັກແໜ້ນຂື້ນຕື່ມ

,ດັ່ງນັ້ນ ທາງອາສາສະໝັກຊາວໜຸ່ມ ແຂວງເທື່ອທຽນເຫ້ວ ສ.ສ ຫວຽດນາມ ໄດ້ມາຢຽ້ມຢາມ ແລະ ເຮັດວຽກຮ່ວມກັບຄະນະບໍລິຫານງານຊາວໜຸ່ມແຂວງສາລະວັນ.
  ໃນທ້າຍເດືອນ ກໍລະກົດ 2015 ນີ້ອາສາສະໝັກ ຊາວໜຸ່ມຄອມມຸຍນິດໂຮ່ຈິມິນແຂວງເທື່ອທຽນເຫ້ວ ສ.ສ ຫວຽດນາມ ລວມທັງໝົດ 24 ສະຫາຍ,ຍີງ 14 ສະຫາຍ, ເຊີ່ງນໍາຄະນະໃນຄັ້ງນີ້ໂດຍ: ສະຫາຍ ເຈີນວັນໂຂຍ ຮອງເລຂາຄະນະບໍລິຫານງານຊາວໜຸ່ມໂຮງຮຽນມະຫາວິທະຍາໄລແພດສາດ ແຂວງເທື່ອທຽນເຫວ້ ສ.ສ ຫວຽດນາມ ເປັນກຽດຕ້ອນຮັບຄະນະອາສາະໝັກຊາວໜຸ່ມໃນຄັ້ງນີ້ ໂດຍ ທ່ານ ຈັນສີລອນ ສີສົມບູນ ກໍາມະການພັກແຂວງ ເລຂາຄະນະບໍລິຫານງານຊາວໜຸ່ມແຂວງສາລະວັນ,ເຂົ້າຮ່ວມສະແດງຄວາມດີຂອງທ່ານ ສີເຮັງ ຫອມສົມບັດ ຄະນະປະຈໍາພັກແຂວງ ຮອງເຈົ້າແຂວງໆສາລະວັນ ,ມີຄະນະພະແນກສາທາລະນະສຸກແຂວງ, ຄະນະປະຈຳພັກເມືອງໆ ວາປີ,ຫ້ອງການສາທະນະສຸກເມືອງ,ຄະນະບໍລິຫານງານຊາວໜຸ່ມເມືອງ ພາກສ່ວນທີ່ກ່ຽວຂ້ອງຂອງເມືອງເຂົ້າຮ່ວມຢ່າງພ້ອມພຽງ.

  ໃນການລົງເຮັດກິດຈະກຳໃນຄັ້ງນີ້ໄດ້ກຳນົດເອົາ 2 ເມືອງຄື: ເມືອງສະໝ້ວຍ ແລະ ເມືອງ ວາປີ, ຈຸດປະສົງ ເພື່ອ ກວດກາສຸຂະພາບ ແລະ ຈ່າຍຢ່າໂດຍບໍເສຍຄ່າ ເຊີ່ງມີພໍ່,ແມ່ ປະຊາຊົນ ມາໃຊ້ບໍລິການ ກວດພະຍາດ - ຮັບຢາທັງໝົດ 1,224 ຄົນ, ຍິງ 653 ຄົນ. ນອກຈາກນັ້ນກໍ່ຍັງໄດ້ມອບຄອມພິວເຕີໃຫ້ຄະນະບໍລິຫານງານຊາວໜຸ່ມທັງສອງເມືອງ,ເມືອງລະ 1 ເຄື່ອງ,ລວມມູນຄ່າການຊ່ວຍເຫຼືອທັງໝົດໃນຄັ້ງນີ້ 82.000.000 ດົ່ງ, ເປັນເງີນລາວ 31.945.000 ກີບ. ການລົງເຮັດວຽກເຄື່ອນໄຫວກິດຈະກໍາໃນຄັ້ງນີ້ແມ່ນເລີ່ມແຕ່ວັນທີ 27 – 30 / 07 / 2015 ໄລຍະເວລາ 4 ວັນຈິ່ງສໍາເລັດ