Get Adobe Flash player

ກອງປະຊຸມໃຫຍ່ຜູ້ແທນຊາວໜຸ່ມແຂວງສາລະວັນ,ຄັ້ງທີ VI

   ໃນລະຫ່ວາງ​ວັນ​ທີ 13 - 14 ພຶດສະພາ 2015   ຜ່ານມານີ້ແຂວງສາລະວັນ  ໄດ້ເປີດກອງປະຊຸມໃຫ່ຍຜູ້ແທນຊາວໜຸ່ມທົ່ວແຂວງຂອງຕົນ  ຄັ້ງທີ VI ຂື້ນຢ່າງເປັນທາງການ,  ຢູ່ທີ່ສະໂມສອນໃຫຍ່ຂອງເມືອງສາລະ​ວັນ,  ພາຍໃຕ້ການເປັນປະທານຂອງ ທ່ານ  ຈັນ​ສີ​ລອນ ສີ​ສົມບູນ ຮັກສາການເລຂາຄະນະບໍລິຫານງານຊາວໜຸ່ມ ແຂວງສາລະ​ວັນ

ໃຫ້ກຽດເຂົ້າຮ່ວມກອງປະຊຸມໃນຄັ້ງນີ້ ມີທ່ານ ດຣ ຄໍາຜາ ພິມມະສອນ  ຮອງເລຂາຄະນະບໍລິຫານງານ ປະທານ​ກວດກາສູນກາງ ຊປປລ, ທ່ານ ບຸນທຽມ ແກ້ວໄຊຍະວົງ ຄະນະປະຈໍາພັກແຂວງ ປະທານສານປະຊາຊົນແຂວງສາລະວັນ, ມີຄະນະປະຈໍາພັກເມືອງ  8  ຕົວ​ເມືອງ, ຄະນະ​ພັກໜ່ວຍອ້ອມຂ້າງ​ແຂວງ,​ ຄະນະ​ປະ​ຈໍາ​ຄະນະ​ບໍລິຫານ​ງານ​ຊາວໜຸ່ມ ຊປປລຜູ້ແທນຊາວໜຸ່ມຈາກຮາກຖານບ້ານ  ອ້ອມຂ້າງເມືອງ, ພ້ອມດ້ວຍສະມາຊິກຊາວໜຸ່ມ-ເຍົາວະຊົນ ແຂກຖືກເຊີນ ແລະ ພະນັກງານອາວຸໂສບຳນານ ພາຍໃນແຂວງເຂົ້າຮ່ວມມີທັງໝົດ 254 ທ່ານ, ຍິງ 43 ທ່ານ ໃນນັ້ນມີຜູ້ແທນສົມບູນ 167 ທ່ານ, ຍິງ 28 ທ່ານ.

  ໃນກອງປະຊຸມ ທ່ານ ຈັນ​ສີ​ລອນ ສີ​ສົມບູນ​ ກໍ່ໄດ້ຂື້ນຜ່ານບົດລາຍງານການເມືອງທັງສອງພາກ ໂດຍຍົກໃຫ້ເຫັນເຖິງຜົນສໍາເລັດ,ຈຸດດີ,ຂໍ້ຄົງຄ້າງ ໄລຍະ 5 ປີຜ່ານມາ ແລະ ແຜນສູ້ຊົນໃນ 5 ປີຕໍ່ໜ້າ ຜ່ານການຈັດຕັ້ງປະຕິບັດການເຄື່ອນໄຫວວຽກງານໃນໄລຍະຜ່ານມາຊາວໜຸ່ມທົ່ວແຂວງສາມາດຍາດໄດ້ໃບຍ້ອງຍໍບຸກຄົນຂັ້ນສູນກາງ 38 ສະຫາຍ,ຍິງ 8 ສະຫາຍ,ຍ້ອງຍໍໜ່ວຍ 40 ໜ່ວຍ, ຂັ້ນແຂວງ11 ໜ່ວຍ,ເມືອງ 4 ເມືອງ ທົ່ວແຂວງ ມີສະມາຊິກຊາວໜຸ່ມ - ໄວໜຸ່ມທັງໜົດ 119.293 ຄົນ,ຍິງ 61.890 ຄົນ ສະມາຊິກຊາວໜຸ່ມ ປະຊາຊົນ ປະຕິວັດລາວທັງໜົດ 20.198 ຄົນ, ຍິງ 8.864 ຂະຫຍາຍສະມາຊິກໃໜ່ 8.956 ຄົນ, ຍິງ 3.429 ຄົນ ທຽບໃສ່ປີ 2010 ເພີ່ມຂື້ນ 59,5%ສະມະຊິກເຍົາວະຊົນ 8 – 14 ປີ ມີ 53.741 ນ້ອງ, ຍິງ 27.335 ນ້ອງ ເພີ່ມຂື້ນ 3% ,ເຍົາວະຊົນທັນວາ 21.248 ນ້ອງ, ຍິງ 11.061 ນ້ອງ,ທຽບໃສ່ປີ 2010 ເພີ່ມຂື້ນ 38%  ກອງເຍົາວະຊົນທັນວາມີ 182 ກອງ, 752 ໝວດ 2.249 ໝູ່ ທຽບໃສ່ປີ 2010 ເພີ່ມຂື້ນ 62%ຂະຫຍາຍເຍົາວະຊົນທັງວາໃໜ່ 2.996 ນ້ອງ, ເລື່ອນຂື້ນເປັນສະມາຊິກຊາວໜຸ່ມໄດ້ 1.320 ນ້ອງ, ຍິງ 610 ນ້ອງ. ອະນຸຊົນອາຍຸ 5 – 7ປີ ທັງໝົດມີ 51.631 ນ້ອງ, ຍິງ 22.631 ນ້ອງ, ສະມາຊິກອະນຸຊົນທັນວາ 2.508 ນ້ອງ, ຍິງ 1.208 ນ້ອງທຽບໃສ່ປີ 2010 ເພີ່ມຂື້ນ 85% ທົ່ວແຂວງມີໜ່ວຍຊາວໜຸ່ມ 818 ໜ່ວຍທຽບໃສ່ປີ 2010 ເພີ່ມຂື້ນ 247 ໜ່ວຍ ເທົ່າກັບ 44%,ໜ່ວຍຊາວໜຸ່ມພະແນກອ້ອມຂ້າງແຂວງມີ 50 ໜ່ວຍທຽບໃສ່ປີ 2010 ເພີ່ມຂື້ນ 18 ໜ່ວຍ ,ລົບລ້າງບ້ານ ຂາວໄດ້ 70 ບ້ານ ຂອງຈໍານວນບ້ານຂາວ 86 ບ້ານ ສໍາເລັດການດໍາເນີນກອງປະຊຸມໃຫ່ຍຜູ້ແທນຊາວໜຸ່ມທົ່ວເມືອງ 8 ຕົວເມືອງໄດ້ 100% ,ໜ່ວຍອ້ອມຂ້າງໄດ້ 46 ໜ່ວຍ ຂອງຈໍານວນໜ່ວຍ 51 ໜ່ວຍ. ປະກາດເປັນໜ່ວຍຕົວແບບ 4 ບຸກໄດ້ 231 ໜ່ວຍ, ລົບລ້າງເມືອງຈົບປະຖົມໄດ້ 100% ແລະ ໄດ້ປະກາດແຂວງຈົບປະຖົມໃນວັນທີ 10 ພະຈິກ 2014 ຢ່າງເປັນທາງການຈາກນັ້ນຄະນະບໍລິຫານງານຊຸດເກົ່າ ກໍ່ໄດ້ກ່າວອຳລາໜ້າທີ່ເພື່ອໃຫ້ກອງປະຊຸມໄດ້ດໍາ​ເນີນການປ່ອນບັດເລືອກຕັ້ງເອົາຄະນະບໍລິຫານງານຊາວໜຸ່ມແຂວງຊຸດໃໝ່ ເຂົ້າມາຮັບຜິດຊອບໜ້າທີ່ວຽກງານເພື່ອຊີ້ນຳ - ນຳພາການເຄື່ອນໄຫວວຽກງານພັດທະນາຊາວໜຸ່ມ-ເຍົາວະຊົນ ໃຫ້ເປັນຂະບວນການຟົດພື້ນ ​ແລະ ຕໍ່​ເນື່ອງ, ເຊີ່ງມີຜູ້ສະໝັກທັງໝົດມີ  37  ທ່ານ,  ຍິງ  7  ທ່ານ,  ຄັດເອົາ   33   ທ່ານ,   ຜົນຂອງກອງປະຊຸມຄັ້ງປະຖົມມະລຶກ  ​ໃນຄັ້ງນີ້ໄດ້ຕົກລົງແຕ່ງຕັ້ງເອົາ

ທ່ານ  ຈັນ​ສີ​ລອນ  ສີ​ສົມບູນ  ເປັນເລຂາຄະນະບໍລິຫານງານຊາວໜຸ່ມແຂວງສາລະ​ວັນຊຸດໃໝ່   ທ່ານ  ຈັນເພັງ  ສາຍທໍາມະວົງ  ເປັນຮອງເລຂາ

ທ່ານ  ສຸວຽງທອງ ສຸຂະວົງ ເປັນຮອງເລຂາທັງເປັນປະທານກວດກາ ພ້ອມດ້ວຍຄະນະ.

     ໃນຕອນທ້າຍຂອງກອງປະຊຸມ ຍັງໄດ້ຮັບຟັງຄຳໂອລົມຂອງ ທ່ານ ດຣ ຄໍາຜາ ພິມມະສອນ ເຊີ່ງເພິ່ນໄດ້ເນັ້ນໜັກດັ່ງນີ້:

-       ເອົາໃຈໃສ່ສຶກສາອົບຮົມການເມືອງແນວຄິດໃຫ້ສະມາຊິກຊາວໜຸ່ມ-ເຍົາວະຊົນບັນດາເຜົ່າໃນທົ່ວແຂວງໃຫ້ມີຄວາມໜັກແໜ້ນ.

-       ເອົາໃຈໃສ່ປັບປຸງວຽກງານປັບປຸງການຈັດຕັ້ງໃຫ້ເຂັ້ມແຂງ.

-       ​ເຄື່ອນ​ໄຫວ​ສ້າງຂະ​ບວນການ​ຕ່າງໆ​ໃຫ້​ເປັນ​ຂະ​ບວນຟົດ​ພື້ນ.

ກອງປະຊຸມໄດ້ດຳເນີນໄປເປັນເວລາ 2 ວັນ ແລະ ປິດລົງຢ່າງເປັນທາງການ ດ້ວຍຜົນສຳເລັດອັນສະຫງ່າງາມທີ່ກອງປະຊຸມຍາດມາໄດ້.

ພາບ ແລະ ບົດໂດຍ: ຂະແໜງສື່ມວນຊົນໜຸ່ມລາວຫ້ອງການຊາວໜຸ່ມແຂວງສາລະວັນ.

ຕິດຕໍ່ພົວພັນ 034 211 137,  22284464, 22282599