Get Adobe Flash player

ຮາກຖານຊາວໜຸ່ມ ວິທະຍາໄລຄູ ແຂວງສາລະວັນ ປະກາດເປັນໜ່ວຍຕົວແບບ 4 ບຸກ ຄັ້ງທີ II

ເພື່ອເປັນການສ້າງຂະບວນການຕາມຂໍ້ແຂ່ງຂັນຂອງຊາວໜຸ່ມ 4 ບຸກ ໃຫ້ເປັນຂະບວນການຟົດຟື້ນ ແລະ ຕໍ່ເນື່ອງມາໃນວັນທີ 5 ຕຸລາ 2018 ຜ່ານມານີ້ ຮາກຖານຊາວໜຸ່ມວິທະຍາໄລຄູ ​ແຂວງສາລະວັນໄດ້ປະກາດຮັບຮອງເປັນໜ່ວຍຊາວໜຸ່ມຕົວແບບ 4 ບຸກ ຄັ້ງທີ II

ຕໍ່ເນື່ອງ ຂື້ນຢ່າງເປັນທາງການ, ຢູ່ທີ່ຫ້ອງປະຊຸມຂອງວິທະຍາໄລຄູ ແຂວງ ພາຍໃຕ້ການເປັນປະທານຂອງ ທ່ານ ນ ສິງອຳໄພ ພິມພາພອນ ເລຂາຮາກຖານຊາວໜຸ່ມຮາກຖານຊາວໜຸ່ມວິທະຍາໄລຄູ ແຂວງ, ໃຫ້ກຽດເຂົ້າຮ່ວມເປັນຄະນະປະທານມີທ່ານ ຈັນເພັງ ສາຍທຳມະວົງ ຮອງເລຂາຄະນະບໍລິຫານງານຊາວໜຸ່ມແຂວງ, ມີທ່ານ ສຸດອນ ວົງສະຫວັດ ຮອງເລຂາຄະນະພັກ, ຮອງອຳນວຍການວິທະຍາໄລຄູ ແຂວງສາລະວັນ ພ້ອມດ້ວຍ ອົງການ​ຈັດ​ຕັ້ງ​ມະຫາຊົນ, ແຂກຖືກເຊີນ   ແລະ ສະມາຊິກຊາວໜຸ່ມ​ເຂົ້າຮ່ວມທັງໝົດ 165 ຄົນ, ຍິງ 112 ຄົນ.

       ກອງປະຊຸມ ທ່ານ ນ ສິງອຳໄພ ພິມພາພອນ ກໍ່ໄດ້ຂື້ນຜ່ານບົດສະຫຼຸບ ແລະ ທິດທາງແຜນການໃນການຈັດຕັ້ງປະຕິບັດຂະ​ບວນການ​ຂໍ້​ແຂ່ງຂັນ 4 ບຸກ ໃນໄລຍະຜ່ານມາໄດ້ຍົກໃຫ້ເຫັນດ້ານດີ, ດ້ານອອ່ນເຊັ່ນ: ຮາກຖານຊາວໜຸ່ມ ມີ​ສະມາຊິກ​ຊາວໜຸ່ມທັງໝົດ 826 ຄົນ, ຍິງ 526 ຄົນ, ຜ່ານມາໄດ້ຖືເອົາການສຶກສາອົົບຮົມການເມືອງ - ແນວຄິດເປັນຫຼັກ ດ້ວຍການຕໍານິກໍ່ສ້າງເຊີ່ງກັນ ແລະ ກັນ, ຜົນຂອງການເຄື່ອນໄຫວປະຕິບັດຂໍ້ແຂ່ງຂັນ 4 ບຸກໃນໄລຍະຜ່ານມາປະຕິບັດໄດ້ຄື: ບຸກດ້ານການເມືອງ - ແນວຄິດ ປະຕິບັດໄດ້ 86,95% , ບຸກດ້ານຝຶກຜົນຫຼໍ່ຫຼອມຮໍ່າຮຽນ ປະຕິບັດໄດ້ 85,25%,ບຸກດ້ານວຽກງານການຈັດຕັ້ງ ປະຕິບັດໄດ້ 85,31%, ບຸກດ້ານວິຊາຊີບ ແລະ ສ້າງວຽກເຮັດງານທໍາ ປະຕິບັດໄດ້ 85,19% ເຊິ່ງສະແດງອອກໃນສົກປີຜ່ານມາສະມາຊິກຊາວໜຸ່ມໄດ້ຮັບໃບຢັ້ງຢືນຂັ້ນຄະນະຊາວໜຸ່ມແຂວງ 668 ທ່ານ, ຍິງ 318 ທ່ານ, ຍ້ອງຍໍຂັ້ນຄະນະພັກຂອງຕົນ 60 ທ່ານ, ຍິງ 34 ທ່ານ, ນັກສຶກສາທີ່ໄດ້ຮັບການຍ້ອງຍໍຂັ້ນຄະນະຊາວໜຸ່ມແຂວງງານເປີດປີທ່ອງທ່ຽວຂອງແຂວງ 59 ທ່ານ, ຍິງ 35 ທ່ານ. ຫຼັງຈາກນັ້ນສະມາຊິກໃນໜ່ວຍພະແນກໂຍທາທິການ ແລະ ຂົນສົ່ງກໍ່ໄດ້ພ້ອມກັນຈັບມືແຂ່ງຂັນ ນອກຈາກນັ້ນກໍ່ໄດ້ປຸກລະດົມສະມາຊິກຊາວໜຸ່ມຂອງຕົນເຂົ້າຮ່ວມກິດຈະກຳຕ່າງໆທີ່ທາງຄະນະພັກອຳນາດການປົກຄອງຈັດຂື້ນໃນແຕ່ລະຄັ້ງຢ່າງເປັນຂະບວນຟົ້ດຟື້ນ.

       ໃນຕອນທ້າຍ ທ່ານ ຈັນເພັງ ສາຍທຳມະວົງ ກໍ່ໄດ້ຂື້ນໂອ້ລົມຕໍ່ກອງປະຊຸມ ເພິ່ນໄດ້ເນັ້ນໜັກໃຫ້ຄະນະຊາວໜຸ່ມຕ້ອງໄດ້ກຳແໜ້ນວຽກງານສຶກສາອົບຮົມການເມືອງແນວຄິດໃຫ້ມີຄວາມໝັກແໜ້ນເຂັ້ມແຂງ, ກໍາແໜ້ນເນື້ອໃນຂໍ້ແຂ່ງຂັນ 4 ບຸກ,   ເພາະມັນໄດ້ເປັນ​ໄມ້ຫຼາວັດແທກສະມາຊິກຊາວໜຸ່ມເຮົາທຸກໆ​ຄົນ ເພື່ອຈະກາຍເປັນບຸກຄົນຕົວແບບ,ແລະ ເອົາໃຈ​ໃສ່ສູ້ຊົນບຸກບືນຮັກສາມູນເຊື້ອໃຫ້ໄດ້ຮັບຮອງເປັນໜ່ວຍຕົວແບບ 4 ບຸກໃນແຕ່ລະປີໃຫ້ຕໍ່ເນື່ອງ.

ກອງປະຊຸໄດ້ໃຊ້ເວລາໃນການດຳເນີນ 1 ຄາບ ​ແລ້ວກໍ່ປິດ​ລົງ​ຢ່າງ​ເປັນ​ທາງ​ການ.