Get Adobe Flash player

ໜ່ວຍຮາກຖານຊາວໜຸ່ມອົງການຈັດຕັ້ງແນວລາວສ້າງຊາດ ແຂວງສາລະວັນ ເປີດກອງປະຊຸມໃຫຍ່

       ເພື່ອປະຕິບັດຕາມກົດລະບຽບຂອງ ຄະນະຊາວໜູ່ມ ປະຊາຊົນ ປະຕິວັດລາວ ສະໄໝທີ VII ໃນໝວດທີ V ມາດຕາ 24 ວ່າດ້ວຍກອງປະຊຸມໃຫຍ່ ວັນທີ 4 ຕຸລາ 2018 ຜ່ານມານີ້ ໜ່ວຍຮາກຖານຊາວໜຸ່ມທະນາຄານສົ່ງເສີມກະຊິກຳ ສາຂາແຂວງສາລະວັນ ກໍ່ໄດ້ເປີດກອງປະຊຸມໃຫ່ຍ ຄັ້ງທີ IIIຂື້ນຢູ່ທີ່ຫ້ອງປະຊຸມຂອງອົງການແນວລາວສ້າງຊາດແຂວງສາລະວັນ

ພາຍໃຕ້ການເປັນປະທານຂອງ ທ່ານ ຈັນສະໝອນ ລຸນລະວົງສາ ເລຂາໜາວຍຮາກຖານຊາວໜຸ່ມອົງການແນວລາວສ້າງຊາດແຂວງສາລະວັນ ເປັນກຽດເຂົ້າຮ່ວມມີ ທ່ານ ຈັນສີລອນ ສີສົມບູນ ກຳມະການພັກແຂວງ, ກຳມະການສູນກາງຊາວໜຸ່ມ ປະຊາຊົນ ປະຕິວັດລາວ, ເລຂາຄະນະບໍລິຫານງານຊາວໜຸ່ມ ແຂວງສາລະວັນ, ທ່ານ ໜູການ ຊາທິລາດ ຮອງຫົວໜ້າໜ່ວຍພັກ, ຮອງຫົວໜ້າອົງການແນວລາວສ້າງຊາດແຂວງສາລະວັນ ພ້ອມດ້ວຍແຂກຖືກເຊີນ ແລະ ສະມາຊິກຊາວໜຸ່ມເຂົ້າຮ່ວມທັງໝົດ 25 ທ່ານ, ຍິງ 13 ທ່ານ.

          ກອງປະຊຸມໄດ້ຮັບຟັງການຜ່ານບົດລາຍງານການເມືອງໄລຍະ 3 ປີ ແລະ ທິດທາງແຜນການ 2017 - 2022 ນໍາສະເໜີໂດຍ: ທ່ານ ນ ມາໄລວັນ ສຸລິຍະເຕັນ ຮອງເລຂາໜ່ວຍຮາກຖານຊາວໜຸ່ອົງການແນວລາວສ້າງຊາດ ພາຍໃນໜ່ວຍມີສະມາຊິກຊາວໜຸ່ມທັງໝົດ 18 ຄົນ, ຍິງ 10 ຄົນ, ຜ່ານການຈັດຕັ້ງປະຕິບັດວຽກງານໄລຍະ 3 ປີ ສະມາຊິກຊາວໜຸ່ມມີຄວາມເປັນເອກະພາບສູງໃນການຈັດຕັ້ງເຄື່ອນໄຫວວຽກງານຊາວໜຸ່ມ ໂດຍຖືເອົາການສຶກສາອົບຮົມການເມືອງ-ແນວຄິດເປັນຫຼັກເຫັນວ່າສະມາຊິກພາຍໃນໜ່ວຍມີທັດສະນະຫຼັກໝັ້ນຕໍ່ຄຸນທາດການເມືອງ ເຊື່ອໝັ້ນຕໍ່ການນຳພາຂອງພັກຢ່າງຕາຍໃຈ ມີຄວາມຮັບຜິດຊອບສູງເປັນເຈົ້າການໃນການຈັດຕັ້ງປະຕິບັດຜັນຂະຫຍາຍມະຕິຄຳສັ່ງຂອງພັກ-ລັດ ເປັນເຈົ້າການຊອກຮູ້ຮ່ຳຮຽນຍົກລະດັບຄວາມສາມາດໃຫ້ສູງຂື້ນ ເປັນເຈົ້າການຕົນເອງມີນຳໃຈຮັກຊາດອັນດູດດື່ມຮູ້ນຳໃຊ້ສິດ ແລະ ປະຕິບັດພັນທະຢ່າງຖຶກຕ້ອງຄົບຖ້ວນ ພາຍໃນໜ່ວຍກໍ່ໄດ້ມີການສຳຫຼວດກວດກາປະຈຳເດືອນ ເພື່ອຮ່ວມຊີວິດການເມືອງ ສ່ອງແສງລາຍງານການເຄື່ອນໄຫວເພື່ອຕຳນິສົ່ງຂ່າວກໍ່ສ້າງເຊິ່ງກັນ ແລະ ກັນ, ການປັບປຸງການຈັດຕັ້ງໃນໄລຍະ 3 ປີ ຜ່ານມາຄະນະຮາກຖານຊາວໜຸ່ມຂອງພວກເຮົາກໍ່ໄດ້ສຸມຈິດສຸມໃຈ ແລະ ປັບປຸງການຈັດຕັ້ງກໍ່ໄດ້ມີການຈັດແບ່ງຄວາມຮັບຜິດຊອບໃຫ້ບັນດາຫາຍໃນຄະນະຮາກຖານຊາວໜຸ່ມ ແລະ ວຽກງານຂະບວນການກໍ່ຄືແຜນພັດທະນາຊາວໜຸ່ມ-ເຍົາວະຊົນຢ່າງຕັ້ງໜ້າ ເຊິ່ງຕີລາຄາໃຫ້ເຫັນວ່າ: ສະມາຊິກຊາວໜຸ່ມສາມາດຍາດໄດ້ໃບຍ້ອງຍໍຂັ້ນສູນກາງຊາວໜຸ່ມ ປະຊາຊົນ ປະຕິວັດລາວ ຈຳນວນ 8 ທ່ານ, ຍິງ 4 ທ່ານ, ຍ້ອງຍໍຈາກຄະນະຊາວໜຸ່ມແຂວງ 10 ທ່ານ, ຍິງ4ທ່ານ, ກອງປະຊຸມກໍ່ໄດ້ປ່ອນບັດຄັດເລືອກເອົາຄະນະໜ່ວຍຊຸດໃໝ່ ເຊິ່ງມີຜູ້ສະໝັກໃນຄັ້ງນີ້ 5 ທ່ານ, ຍິງ 4 ທ່ານ, ເລືອກເອົາ 3 ທ່ານ. ເພື່ອເຂົ້າມາຮັບຜິດຊອບຊີ້ນໍາ-ນໍາພາສະມາຊິກຊາວໜຸ່ມເຄື່ອນໄຫວວຽກງານໃນຕໍ່ໜ້າໃຫ້ຕໍ່ເນື່ອງຜົນຂອງກອງປະຊຸມຄັ້ງປະຖົມມະລຶກຕົກລົງແຕ່ງຕັ້ງເອົາ ທ່ານ ຈັນສະໝອນ ລຸນລະວົງສາ ເປັນເລຂາ, ທ່ານ ນ ມາໄລວັນ ສຸລິຍະເຕັນ ເປັນຮອງເລຂາ, ທ່ານ ນ ວິໄລສັກ ອ່ອນບຸນສົງເປັນປະທານກວດກາ.

           ໃນຕອນທ້າຍຂອງກອງປະຊຸມຍັງໄດ້ຮັບຟັງຄໍາໂອ້ລົມ ຊີ້ທິດເຍືອງທາງຂອງທ່ານ ຈັນສີລອນ ສີສົມບູນ ເພິ່ນໄດ້ມີບາງທັດສະນະ​ຄື:

ຄະນະຊາວໜຸ່ມຕ້ອງເຂົ້າໃຈເຖິງພະລະບົດບາດ ແລະ ໜ້າທີ່ຂອງແຕ່ລະສະຫາຍເພື່ອນໍາໄປຈັດຕັ້ງປະຕິບັດໃນຕໍ່ໜ້າ,ມີຄວາມຫ້າວຫັນ ບຸກບືນເອົາໃຈໃສ່ສຶກສາ ອົບຮົມການເມືອງແນວຄິດໃຫ້ສະມາຊິກຊາວໜຸ່ມໃຫ້ມີຄວາມໜັກແໜ້ນເຂັ້ມແຂງ,ເອົາໃຈໃສ່ຝຶກຜົນຫຼໍ່ຫຼອມຕົນເອງໃຫ້ມີຄວາມຮູ້ ຄວາມສາມາດເພື່ອປະກອບສ່ວນເຂົ້າໃນການສ້າງສາພັດທະນາປະເທດຊາດ.

ຕ້ອງໄດ້ປັບປຸງແບບແຜນວິທີເຮັດວຽກການເຄື່ອນໄຫວໃນໄລຍະຜ່ານມາ ແລະ ວາງແຜນການທິດທາງຕໍ່ໜ້າ, ເພີ່ມທະວີຄວາມສາມັກຄີພາຍໃນໃຫ້ໜັກແໜ້ນເຂັ້ມແຂງ ພາຍນອກໃຫ້ກວ້າງຂວາງ.

ເອົາໃຈໃສ່ເປັນຢ່າງສູງໃນວຽກງານການເມືອງແນວຄິດ ແລະ ປັບປຸງການຈັດຕັ້ງຕາມແນວທາງຂອງພັກໃນການຈັດຕັ້ງບົນພື້ນຖານລະບຽບການຂອງລັດ, ປັບປຸງແບບແຜນການນຳພາວຽກງານການຈັດຕັ້ງໃຫ້ເຂັ້ມແຂງຂື້້ນເລື້ອຍໆ.

ກອງປະຊຸມກໍ່ໄດ້ປິດລົງຢ່າງເປັນທາງການໃນເວລາ 11:35 ໂມງ.