Get Adobe Flash player

ໜ່ວຍຮາກຖານຊາວໜຸ່ມຄະນະຈັດຕັ້ງ ແຂວງສາລະວັນ ເປີດຂະບວນການແຂ່ງຂັນ 4 ບຸກ ປີ 2018

ເພື່ອປະຕິບັດຕາມຄໍາສັ່ງແນະນໍາເລກທີ 421/ລຂ ລົງວັນທີ 28 ກໍລະກົດ 2016 ​ວ່າດ້ວຍການຈັດຕັ້ງປະຕິບັດຂໍ້ແຂ່ງຂັນ 4 ບຸກ ໃນຕອນເຊົ້າວັນ​ທີ 19 ກັນຍາ 2018 ນີ້ ໜ່ວຍຮາກ​ຖານຊາວໜຸ່ມຄະນະຈັດຕັ້ງແຂວງສາລະວັນໄດ້​ເປີດ​ຂະ​ບວນການຂໍ້​​ແຂ່ງຂັນ 4 ບຸກ ຢູ່ທີ່ຫ້ອງປະຊຸມຂອງຕົນ

, ພາຍໃຕ້ການເປັນປະທານຂອງ ທ່ານ ສົມດີ ວົງຈັນທາ ເລຂາໜ່ວຍຮາກ​ຖານ​ຊາວໜຸ່ມຄະນະຈັດຕັ້ງແຂວງ​ສາລະ​ວັນ, ​ໃຫ້ກຽດ​ເຂົ້າ​ຮ່ວມມີ ທ່ານ ບຸນປອນ ດວງຄໍາ ຮອງຫົວໜ້າຄະນະຈັດຕັ້ງ​ແຂວງ, ມີ   ທ່ານ   ຈັນເພັງ ສາຍທໍາມະວົງ ຮອງ​ເລຂາ​ຄະນະ​ບໍລິຫານ​ງານ​ຊາວໜຸ່ມ ​ແຂວງ​ສາລະ​ວັນ   ພ້ອມດ້ວຍຫົວໜ້າຂະ​ແໜງ ຮອງຂະແໜງ​ ອົງການ​ຈັດ​ຕັ້ງ​ມະຫາຊົນ ແລະ ສະມາຊິກຊາວໜຸ່ມ​ເຂົ້າຮ່ວມທັງໝົດ 32 ທ່ານ, ຍິງ 13 ທ່ານ.

     ກອງປະຊຸມ ທ່ານ ໂມລິຕ້າ ຄໍາພາໃສ ຄະນະໜ່ວຍຮາກ​ຖານ​ຊາວໜຸ່ມຄະນະຈັດຕັ້ງແຂວງ​ສາລະ​ວັນ ກໍ່ໄດ້ຂື້ນຜ່ານບົດສະຫຼຸບ   ແລະ   ທິດທາງແຜນການໃນການຈັດຕັ້ງປະຕິບັດຂະ​ບວນການ​ຂໍ້​ແຂ່ງຂັນ 4 ບຸກ ໃນໄລຍະຜ່ານມາໄດ້ຍົກໃຫ້ເຫັນດ້ານດີ, ດ້ານອອ່ນເຊັ່ນ: ໜ່ວຍຮາກ​ຖານຊາວໜຸ່ມ ມີ​ສະມາຊິກ​ຊາວໜຸ່ມທັງໝົດ 21 ຄົນ, ຍິງ 9 ຄົນ, ມີ​ ຄະນະໜ່ວຍ 3 ທ່ານ,   ຜ່ານມາໄດ້ຖືເອົາການສຶກສາອົົບຮົມການເມືອງ - ແນວຄິດເປັນຫຼັກ ດ້ວຍການຕໍານິກໍ່ສ້າງເຊີ່ງກັນ ແລະ ກັນ,ຜົນຂອງການເຄື່ອນໄຫວປະຕິບັດຂໍ້ແຂ່ງຂັນ 4 ບຸກໃນໄລຍະຜ່ານມາປະຕິບັດໄດ້ຄື: ບຸກດ້ານການເມືອງ - ແນວຄິດ ບັນລຸໄດ້ 95% , ບຸກດ້ານຝຶກຜົນຫຼໍ່ຫຼອມຮໍ່າຮຽນ ບັນລຸໄດ້ 95%, ບຸກດ້ານວຽກງານການຈັດຕັ້ງ ບັນລຸໄດ້ 95%, ບຸກດ້ານວິຊາຊີບ ແລະ ສ້າງວຽກເຮັດງານທໍາ ບັນລຸໄດ້ 95% ໄດ້ສ້າງກອງທືນຊ່ວຍເຫຼືອເຊີ່ງກັນລະກັນ ໄດ້ 1.730.000 ກວ່າກີບ   ສາມາດຈັດປະເພດໄດ້ຄື: ປະເພດດີເດັ່ນ ຈໍນວນ 21 ທ່ານ, ຍິງ 5 ທ່ານ, ນອກຈາກນັ້ນກໍ່ໄດ້ປຸກລະດົມສະມາຊິກຊາວໜຸ່ມຂອງຕົນເຂົ້າຮ່ວມກິດຈະກຳຕ່າງທີ່ທາງຄະນະພັກອຳນາດການປົກຄອງຈັດຂື້ນ ໃນແຕ່ລະຄັ້ງຢ່າງເປັນຂະບວນຟົ້ດຟື້ນ ແລະ ແຜນສູ້ຊົນໃນປີຕໍ່ໜ້າ ຄະນະຊາວໜຸ່ມພ້ອມດ້ວຍສະມາຊິກຂື້ນຈັບມືແຂ່ງຂັນ, ພ້ອມກັນວາງແຜນຄາດໝາຍສູ້ຊົນໃນ 4 ດ້ານຄື:ບຸກດ້ານການເມືອງ - ແນວຄິດ ສູ້ຊົນໃຫ້ໄດ້ 98% ຂື້ນໄປ, ບຸກດ້ານຝຶກຜົນຫຼໍ່ຫຼອມຮໍ່າຮຽນ ສູ້ຊົນໃຫ້ໄດ້ 98% ຂື້ນໄປ, ບຸກດ້ານວຽກງານການຈັດຕັ້ງ ສູ້ຊົນໃຫ້ໄດ້ 98% ຂື້ນໄປ, ບຸກດ້ານວິຊາຊີບ ແລະ ສ້າງວຽກເຮັດງານທໍາ ສູ້ຊົນໃຫ້ໄດ້ 98% ຂື້ນໄປ.

           ຕອນທ້າຍຍັງໄດ້ຮັບຟັງຄໍາໂອ້ລົມຂອງທ່ານ   ຈັນເພັງ ສາຍທຳມະວົງ ເພິ່ນໄດ້ມີບາງທັດສະນະ​ຄື:

     ຄະນະໜ່ວຍຊາວໜຸ່ມຕ້ອງຖືສໍາຄັນ ​ແລະ ກໍາແໜ້ນວຽກງານດ້ານການເມືອງແນວຄິດ,​ເອົາ​ໃຈ​ໃສ່​ປະຕິບັດ​ແນວທາງ​ນະ​ໂຍບາຍ​ຂອງ​ພັກ​ໃຫ້​ສະມາຊິກ​ຊາວໜຸ່ມ​ໄດ້​ເຂົ້າ​ໃຈ​ກ້ວາງ​ຂວາງ ​ແລະ ​ເລິກ​ເຊິ່ງ,ວຽກງານ​ປັບປຸງ​ການຈັດ​ຕັ້ງ ຄະນະໜ່ວຍຊາວໜຸ່ມຕ້ອງ​ໄດ້​ດໍາ​ເນີນ​ຊີວິດປະ​ຈໍາ​​ເດືອນ ​ແລະ ກໍ່ສ້າງ​ຊ່ວຍ​ເຫຼືອ​ເຊິ່ງກັນ ​ແລະ ກັນ ຢ່າງ​ເປັນ​ປົກກະຕິ, ເສີມ​ຂະຫຍາຍວຽກງານ​ຂະ​ບວນການ​ໃຫ້​ເປັນ​ຂະ​ບວນຟົດ​ຟື້ນ,​ຕ້ອງ​​ໃກ້ຊິດຕິດ​ແທດ​ກັບ​ຄະນະ​ພັກ​ໃນ​ການຂໍ​ຄໍາ​ຄິດ​ຄໍາ​ເຫັນ​ຊີ້​ທິດ​ເຍືອງ​ທາງ​ໃນ​ວຽກງານ​ຊາວໜຸ່ມ ກໍ່ຄື​ວຽກງານຂໍ້​ແຂ່ງຂັນ 4 ບຸກຂອງ​ຊາວໜຸ່ມເພື່ອຮັກສາມູນ ແລະ ເຊື້ອຮັບຮອງຢ່າງຕໍ່ເນື່ອງ​.

                   ກອງປະຊຸໄດ້ໃຊ້ເວລາໃນການດຳເນີນ 1 ຄາບ ​ແລ້ວກໍ່ປິດ​ລົງ​ຢ່າງ​ເປັນ​ທາງ​ການ.