Get Adobe Flash player

ໜ່ວຍຮາກຖານຊາວໜຸ່ມດ່ານສາກົນລະໄລ ແຂວງສາລະວັນ ເປີດຂະບວນການແຂ່ງຂັນ 4 ບຸກ

     ເພື່ອປະຕິບັດຕາມຄໍາສັ່ງແນະນໍາເລກທີ 421/ລຂ ລົງວັນທີ 28 ກໍລະກົດ 2016 ​ວ່າດ້ວຍການຈັດຕັ້ງຂໍ້ແຂ່ງຂັນ 4 ບຸກ ໃນຕອນເຊົ້າວັນ​ທີ 29 ສິງຫາ 2018 ນີ້ ໜ່ວຍຮາກ​ຖານຊາວໜຸ່ມດ່ານສາກົນລະໄລ ​ແຂວງສາລະວັນໄດ້​ເປີດ​ຂະ​ບວນການ​​ແຂ່ງຂັນ 4 ບຸກ ຂື້ນ ຢູ່ທີ່ຫ້ອງປະຊຸມດ່ານສາກົນລະໄລ, ພາຍໃຕ້ການເປັນປະທານຂອງ ສະຫາຍ ແກ້ວເພັດສາຄອນ ເທພາຮັກສາ ຮອງເລຂາໜ່ວຍຮາກ​ຖານ​ຊາວໜຸ່ມດ່ານສາກົນລະໄລ

, ​ໃຫ້ກຽດ​ເຂົ້າ​ຮ່ວມມີ ສະຫາຍ ສຸລັດ ອິນທະວົງ ຮອງເລຂາໜ່ວຍ​ພັກ​ຮາກ​ຖານ, ມີສະຫາຍ ສຸວຽງທອງ ສຸຂະ​ວົງ ຮອງ​ເລຂາ​ຄະນະ​ບໍລິຫານ​ງານ​ຊາວໜຸ່ມ ​ແຂວງ​ສາລະ​ວັນ   ພ້ອມດ້ວຍຫົວໜ້າຂະ​ແໜງ ຮອງຂະແໜງ​ ອົງການ​ຈັດ​ຕັ້ງ​ມະຫາຊົນ ແລະ ສະມາຊິກຊາວໜຸ່ມ​ເຂົ້າຮ່ວມທັງໝົດ 28 ສະຫາຍ, ຍິງ 3 ສະຫາຍ.

     ສະຫາຍ ກົງທອງ ຈະເລີນລັດ ຮອງເລຂາໜ່ວຍຮາກ​ຖານ​ຊາວໜຸ່ມດ່ານສາກົນລະໄລ ​ແຂວງສາລະວັນກໍ່ໄດ້ຂື້ນຜ່ານແຜນການຈັດຕັ້ງປະຕິບັດຂະ​ບວນການຂໍ້​​ແຂ່ງຂັນ 4 ບຸກ​ ຂອງຊາວໜຸ່ມໃນ 1 ປີຜ່ານມາ ​ແລະ ວາງທິດທາງແຜນສູ້​ຊົນການໃນການຈັດຕັ້ງປະຕິບັດຂະ​ບວນການຂໍ້​​ແຂ່ງຂັນ 4 ບຸກ ປີ 2019​ເຊິ່ງ​ໄດ້​ວາງ​ແຜນ​ສູ້​ຊົນ​ໃນຕໍ່ໜ້າຄື: ບຸກດ້ານການເມືອງ - ແນວຄິດ ໃຫ້ບັນລຸໄດ້ 90% , ບຸກດ້ານຝຶກຜົນຫຼໍ່ຫຼອມຮໍ່າຮຽນ ໃຫ້ບັນລຸໄດ້ 98%, ບຸກດ້ານວຽກງານການຈັດຕັ້ງ ໃຫ້ບັນລຸໄດ້ 99%, ບຸກດ້ານວິຊາຊີບ ແລະ ສ້າງວຽກເຮັດງານທໍາ ໃຫ້ບັນລຸໄດ້ 97% ພາຍ​ໃນໜ່ວຍມີ​ສະມາຊິກ​ຊາວໜຸ່ມທັງໝົດ 27 ສະຫາຍ, ຍິງ 3 ສະຫາຍ, ນອກຈາກນັ້ນ ກໍ່ໄດ້ປຸກລະດົມສະມາຊິກຊາວໜຸ່ມຂອງຕົນເຂົ້າຮ່ວມກິດຈະກຳຕ່າງໆທີ່ທາງຄະນະພັກ ອຳນາດການປົກຄອງຈັດຂື້ນໃນແຕ່ລະຄັ້ງຢ່າງເປັນຂະບວນຟົດຟື້ນ ແລະ ແຜນສູ້ຊົນໃນ ປີຕໍ່ໜ້າແມ່ນ ສູ້ຊົນໃຫ້ໄດ້ ໜ່ວຍຕົວແບບ 4 ບຸກຢ່າງຕໍ່ເນື່ອງ ​ແລະ ຍ້ອງຍໍ​ບຸກຄົນຕົວ​ແບບ 4 ບຸກ, ຜ່ານການຮັບຟັງແຜນການຈັດຕັ້ງປະຕິບັດຂະ​ບວນການ​​ແຂ່ງຂັນ 4 ບຸກໃນຄັ້ງນີ້   ແຕ່ລະສະຫາຍກໍ່ໄດ້ປະກອບຄຳເຫັນຢ່າງກົງໄປກົງມາ ເພື່ອໃຫ້ມີເນື້ອໃນຄົບຖ້ວນສົມບູນຂື້ນຕື່ມ ແລະ ພ້ອມກັນຂື້ນຈັບມືແຂ່ງຂັນ.

       ໃນຕອນທ້າຍ ສະຫາຍ ສຸວຽງທອງ ສຸຂະວົງ ກໍ່ໄດ້ຂື້ນໂອ້ລົມຕໍ່ກອງປະຊຸມ ເພິ່ນໄດ້ເນັ້ນໜັກໃຫ້ຄະນະຊາວໜຸ່ມຕ້ອງໄດ້ກຳແໜ້ນເນື້ອໃນຂໍ້ແຂ່ງຂັນ 4 ບຸກ,   ເພາະມັນໄດ້ເປັນ​ໄມ້ຫຼາວັດແທກສະມາຊິກຊາວໜຸ່ມເຮົາທຸກໆ​ຄົນ ເພື່ອຈະກາຍເປັນບຸກຄົນຕົວແບບ,ແລະ ເອົາໃຈ​ໃສ່ສູ້ຊົນບຸກບືນຮັກສາມູນເຊື້ອໃຫ້ໄດ້ຮັບຮອງເປັນໜ່ວຍຕົວແບບ 4 ບຸກໃນແຕ່ລະປີໃຫ້ຕໍ່ເນື່ອງ.

         ກອງປະຊຸໄດ້ໃຊ້ເວລາໃນການດຳເນີນ 1 ຄາບ ​ແລ້ວກໍ່ປິດ​ລົງ​ຢ່າງ​ເປັນ​ທາງ​ການ

.