Get Adobe Flash player

ພິທີປິດກິດຈະກໍາ ອ້າຍ,ເອື້ອຍສອນນ້ອງຂອງຊາວໜຸ່ມອາສາສະໝັກຈາກມະຫາວິທະຍາໄລແຫ່ງຊາດ ໄລຍະພັກແລ້ງ

ໂດຍປະຕິບັດຕາມບົດບັນທຶກສັນຍາແຮກສຽ່ວຂອງຄະນະບໍລິຫານງານຊາວໜຸ່ມ ປະຊາຊົນ ປະຕິວັດລາວ 5 ພາກສ່ວນ ( ຄະນະຊາວໜຸ່ມແຂວງສາລະວັນ, ຄະນະຊາວໜຸ່ມມະຫາວິທະຍາໄລແຫ່ງຊາດ, ຄະນະຊາວໜຸ່ມກະຊວງກະສິກໍາ - ປ່າໄມ້, ທະນາຄານແຫ່ງຊາດລາວ ແລະ ສູນກາງຊາວໜຸ່ມ ປະຊາຊົນ ປະຕິວັດລາວ)ໃນຕອນ​​ເຊົ້າ​​ຂອງ​ວັນ​ທີ 23  ສິງຫາ 2018  ຄະນະ​ບໍລິຫານ​ງານ​ຊາວໜຸ່ມ​ແຂວງ​ສາລະ​ວັນ ​ໄດ້​​ຈັດ​ພິທີປິດກິດຈະກໍາທີ່

ລົງເຄື່ອນໄຫວອາສາສະໜັກ ອ້າຍ,ເອື້ອຍສອນນ້ອງຂອງຊາວໜຸ່ມອາສາສະໝັກຈາກມະຫາວິທະຍາໄລແຫ່ງຊາດ ​ໄລຍະ​ພັກແລ້ງ​ເປັນກຽດ​ເຂົ້າ​ຮ່ວມພິທີໃນ​ຄັ້ງ​ນີ້ມີ​ ທ່ານ ນ ບຸນທະວີ ດວງລາສີ ຄະນະປະຈຳພັກແຂວງ ປະທານສະຫະພັນແມ່ຍິງແຂວງສາລະວັນ, ທ່ານ ນ ນວນໃສ ແກ້ວເມກ ຄະນະປະຈໍາພັກເມືອງ ຮອງເຈົ້າເມືອງ  ຜູ້ຊີ້ນໍາວຽກງານວັດທະນະທໍາຂັ້ນເມືອງ, ມີ​ຄະນະ​ບໍລິຫານ​ງານ​ຊາວໜຸ່ມອອ້ມຂ້າງແຂວງ ແລະ ​ເມືອງສາລະວັນ, ​ແຂກ​ຖືກ​ເຊີນພ້ອມນ້ອງນ້ອຍເຍົາວະຊົນເຂົ້າຮ່ວມ​ 75  ທ່ານ, ຍິງ 33 ທ່ານ. ​ເຊິ່ງຕີລາຄາໃຫ້ເຫັນວ່າ:

ໃນພິທີປິດກິດຈະກຳລົງເຄື່ອນໄຫວອາສາສະໝັກ ອ້າຍ,ເອື້ອຍສອນນ້ອງຂອງຊາວໜຸ່ມຈາກມະຫາວິທະຍາໄລແຫ່ງຊາດ ​ໄລຍະ​ພັກແລ້ງສະມາຊິກຊາວໜຸ່ມອາສາສະໝັກກໍ່ໄດ້ຮັບໃບຍ້ອງຍໍຂັ້ນເຈົ້າແຂວງ 2 ທ່ານ, ຍິງ 1 ທ່ານ, ຍ້ອງຍໍຂັ້ນຄະນະຊາວໜຸ່ມແຂວງ 12 ທ່ານ, ຍິງ 6 ທ່ານ.

            ທ່ານ ຈັນສີລອນ ສີສົມບູນ ກໍາມະການພັກແຂວງ ເລຂາຄະນະບໍລິຫານງານຊາວໜຸ່ມແຂວງສາລະວັນ ​ເປັນກຽດກ່າວ​ຕ້ອນຮັບ​ໃນ​ຄັ້ງ​ນີ້ທ່ານ​ໄດ້​ກ່າວ​ວ່າ:ການເຄື່ອນໄຫວກິດຈະກໍາອ້າຍ,ເອື້ອຍສອນນ້ອງຂອງຊາວໜຸ່ມອາສາສະໝັກຈາກມະຫາວິທະຍາໄລແຫ່ງຊາດ ​ໄລຍະ​ພັກແລ້ງ ຄັ້ງທີ I ແມ່ນ​ໃຊ້​ເວລາ 50 ວັນ ເລີ່ມແຕ່ວັນທີ 9 ກໍລະກົດ 2018 ຫາ 25 ສິງຫາ 2018 ແລະ ກໍານົດເອົາໂຮງຮຽນປະຖົມສົມບູນບ້ານ ນາເຫຼັກ, ການສອນ​ຈະ​ເນັ້ນໜັກ 3 ວິຊາ​ຄື: ວິຊາພາສາລາວ, ວິຊາຄະນິດສາດ ແລະ ພາສາອັງກິດມີນັກຮຽນປະຖົມ ປໍ 2 ຫາ ປໍ 5  ສໍາລັບມັດທະຍົມແມ່ນຈະເນັ້ນໜັກ ມໍ 4 ແລະ ມໍ 7 ຈຸດປະສົງແມ່ນເພື່ອໃຫ້ຊາວໜຸ່ມ - ເຍົາວະຊົນໃຊ້ເວລາໃນໄລຍະພັກຮຽນໃຫ້ເປັນປະໂຫຍດ ແລະ ເປັນພື້ນຖານໂດຍສະເພາະແມ່ນນ້ອງໆນັກຮຽນທີ່ກະກຽມຈະຮຽນ ມໍ 7 ໃນສົກປີ 2018 - 2019.