Get Adobe Flash player

ຄະນະ ຊປປລ ແຂວງສາລະວັນມອບເຄື່ອງຊ່ວຍເຫຼືອປະຊຊົນທີ່ຖຶກອຸທົກກະໄພ ຈາກໄພພິບັດນ້ຳຖ້ວມ ທີ່ແຂວງອັດຕະປື

ເພື່ອເປັນການແບ່ງເບົາ ແລະ ບັນເທົາທຸກໃຫ້ພໍ່ແມ່ ປະຊາຊົນ ເມືອງ ສະໜາມໄຊ ແຂວງອັດຕະປືໃນລະຫວ່າງວັນທີ 28 ກໍລະກົດ 2018 ຜ່ານມານີ້    ຄະນະບໍລິຫານງານຊາວໜຸ່ມແຂວງສາລະວັນນຳທິມໂດຍທ່ານ   ຈັນສີລອນ   ສີສົມບູນ ກໍາມະການພັກແຂວງ, ກຳມະການສູນກາງຊາວໜຸ່ມ ປະຊາຊົນ ປະຕິວັດລາວ ເລຂາຄະນະບໍລິຫານງານຊາວໜຸ່ມແຂວງສາລະວັນ

ພ້ອມດ້ວຍຄະນະບໍລິຫານງານຫ້ອງການຊາວໜຸ່ມແຂວງສາລະວັນ ໄດ້ເດີນທາງໄປມອບຄື່ອງຊ່ວຍເຫຼືອປະຊຊົນ ທີ່ຖຶກອຸທົກກະໄພ ຈາກໄພພິບັດນ້ຳຖ້ວມ ທີ່ເມືອງ ສະໜາມໄຊ ແຂວງອັດຕະປື ໃນນັ້ນມີ ເຄື່ອງນຸ່ງຫົ່ມຜູ້ໃຫ່ຍ ແລະ ເດັກນ້ອຍ, ເກີບ, ແຟັບ, ສະບູ,ຢາສີພັນ ແລະເຄື່ອງບໍລິໂພກມີ: ມີ່, ປາກະປ໋ອງ, ນໍ້າດື່ມ, ເກືອ, ແປ້ງນົວ, ເງີນສົດຈຳນວນ  5    .000.000 ກີບ, ເຄື່ອງບໍລິໂພກ ອຸປະໂພກດັ່ງກ່າວແມ່ນນໍ້າໃຈຈາກຄະນະບໍລິຫານງານຊາວໜຸ່ມແຂວງສາລະວັນ ແລະ ຈາກການລະດົມນໍາບັນດາຮາກຖາກຊາວໜຸ່ມ ອ້ອມຂ້າງແຂວງ, ບຸກຄົນ ເພື່ອນຳໄປມອບໃຫ້ປະຊາຊົນທີ່ຖຶກອຸທົກກະໄພ ຈາກໄພພິບັດນ້ຳຖ້ວມໃນຄັ້ງນີ້ ລວມມູນຄ່າ 14.632.000 ກີບ ນອກຈາກການຊ່ວຍເປັນວັດຖຸແລ້ວຄະນະບໍລິຫານງານຊາວໜຸ່ມແຂວງໄດ້ຈັດສົ່ງຊາວໜຸ່ມກອງອາສາສະໝັກຕະລຸມບອນແຂວງສາລະວັນ ຊຸດທີ 1 ຈໍານວນ 62 ສະຫາຍ ນັບແຕ່ວັນທີ 31 ກໍລະກົດ 2018 ຫາ ວັນທີ 4 ສິງຫາ 2018 ແລະ ຊຸດທີ 2 ຕາມແຜນແມ່ນນັບແຕ່ວັນທີ 3 ສິງຫາ ຫາ ວັນທີ 8 ສິງຫາ 2018. ຄັ້ງທີ 3 ແຕ່ັວນທີ 8 ສີງຫາ ຫາວັນທີ 13 ສີງຫາ  2018 ລວມຈຳນວນພົນນທັງສາມຊຸດ 133 ສະຫາຍ , ຍີງ 27 ສະຫາຍ