Get Adobe Flash player

ໜ່ວຍຮາກຖານຊາວໜຸ່ມພະແນກໄປສະນີ ໂທລະຄົມມະນາຄົມ ແລະ ສື່ສານ ແຂວງສາລະວັນ ເປີດຂະບວນການແຂ່ງຂັນ 4 ບຸກ ຄັ້ງທໍາອິດ ປະຈໍາສົກປີ 2018 – 2019

ເພື່ອປະຕິບັດຕາມຄໍາສັ່ງແນະນໍາເລກທີ 421/ລຂ ລົງວັນທີ 28 ກໍລະກົດ 2016 ​ວ່າດ້ວຍການຈັດຕັ້ງຂໍ້ແຂ່ງຂັນ 4 ບຸກ

ໃນຕອນເຊົ້າວັນ​ທີ 17 ສິງຫາ 2018 ນີ້ ໜ່ວຍຮາກ​ຖານຊາວໜຸ່ມພະ​ແນ​ກ ໄປສະນີ ໂທລະຄົມມະນາຄົມ ແລະ ສື່ສານ ​ແຂວງສາລະວັນໄດ້​ເປີດ​ຂະ​ບວນການ​​ແຂ່ງຂັນ 4 ບຸກ ໃນໜ່ວຍຂອງຕົນຂື້ນ ຢູ່ທີ່ຫ້ອງປະຊຸມຊັ້ນ II ຂອງສະຫະພັນນັກຮົບເກົ່າ ​ແຂວງ,  ພາຍໃຕ້ການເປັນປະທານຂອງ ສະຫາຍ  ດຳສະອາດ ນະແກ່ງສິນ ເລຂາໜ່ວຍຮາກ​ຖານ​ຊາວໜຸ່ມພະ​ແນ​ກ ​ໄປສະນີ ໂທລະຄົມມະນາຄົມ ແລະ ສື່ສານ ແຂວງ​ສາລະ​ວັນ, ​ໃຫ້ກຽດ​ເຂົ້າ​ຮ່ວມມີ  ສະຫາຍ  ຄຳໝອນ ແກ້ວປັດຈິດ ຄະນະ​ພັກ​ຮາກ​ຖານພະ​ແນ​ກ ໄປສະນີ ໂທລະຄົມມະນາຄົມ ແລະ ສື່ສານ ແຂວງ, ມີ   ສະຫາຍ   ສຸວຽງທອງ  ສຸຂະ​ວົງ  ຮອງ​ເລຂາ​ຄະນະ​ບໍລິຫານ​ງານ​ຊາວໜຸ່ມ ​ແຂວງ​ສາລະ​ວັນ   ພ້ອມດ້ວຍຫົວໜ້າຂະ​ແໜງ ຮອງຂະແໜງ​ ອົງການ​ຈັດ​ຕັ້ງ​ມະຫາຊົນ  ແລະ  ສະມາຊິກຊາວໜຸ່ມ​ເຂົ້າຮ່ວມທັງໝົດ 19 ສະຫາຍ, ຍິງ 7 ສະຫາຍ.

      ກອງປະຊຸມ ນ ຄອນວິໄລ ອ່ອນບຸນສົງ ຮອງເລຂາໜ່ວຍຮາກ​ຖານ​ຊາວໜຸ່ມພະ​ແນກ​ ​ໄປສະນີ ໂທລະຄົມມະນາຄົມ ແລະ ສື່ສານ ແຂວງ​ສາລະ​ວັນ ກໍ່ໄດ້ຂື້ນຜ່ານແຜນການຈັດຕັ້ງປະຕິບັດຂະ​ບວນການ​​ແຂ່ງຂັນ 4 ບຸກ​ ຂອງຊາວໜຸ່ມໃນ 1 ປີຜ່ານມາ ​ແລະ ວາງທິດທາງແຜນສູ້​ຊົນການໃນການຈັດຕັ້ງປະຕິບັດຂະ​ບວນການຂໍ້​​ແຂ່ງຂັນ 4 ບຸກ ປີ 2019​ເຊິ່ງ​ໄດ້​ວາງ​ແຜນ​ສູ້​ຊົນ​ໃນຕໍ່ໜ້າຄື: ບຸກດ້ານການເມືອງ - ແນວຄິດ ໃຫ້ບັນລຸໄດ້ 85% ,  ບຸກດ້ານຝຶກຜົນຫຼໍ່ຫຼອມຮໍ່າຮຽນ  ໃຫ້ບັນລຸໄດ້ 85%,  ບຸກດ້ານວຽກງານການຈັດຕັ້ງ ໃຫ້ບັນລຸໄດ້ 90%,  ບຸກດ້ານວິຊາຊີບ ແລະ ສ້າງວຽກເຮັດງານທໍາ ໃຫ້ບັນລຸໄດ້ 85% ພາຍ​ໃນໜ່ວຍມີ​ສະມາຊິກ​ຊາວໜຸ່ມທັງໝົດ  13  ສະຫາຍ, ຍິງ 8 ສະຫາຍ, ມີ​ ຄະນະໜ່ວຍ 03 ສະຫາຍ,       ນອກຈາກນັ້ນ ກໍ່ໄດ້ປຸກລະດົມສະມາຊິກຊາວໜຸ່ມຂອງຕົນເຂົ້າຮ່ວມກິດຈະກຳຕ່າງໆທີ່ທາງຄະນະພັກ ອຳນາດການປົກຄອງຈັດຂື້ນໃນແຕ່ລະຄັ້ງຢ່າງເປັນຂະບວນຟົດຟື້ນ ແລະ ແຜນສູ້ຊົນໃນ  ປີຕໍ່ໜ້າແມ່ນ ສູ້ຊົນໃຫ້ໄດ້ ໜ່ວຍຕົວແບບ 4 ບຸກຢ່າງຕໍ່ເນື່ອງ ​ແລະ ຍ້ອງຍໍ​ບຸກຄົນຕົວ​ແບບ 4  ບຸກ,  ຜ່ານການຮັບຟັງບົດລາຍງານໃນຄັ້ງນີ້   ແຕ່ລະສະຫາຍກໍ່ໄດ້ປະກອບຄຳເຫັນຢ່າງກົງໄປກົງມາເຂົ້າໃສ່ໃນບົດສະຫຼຸບ   ເພື່ອໃຫ້ມີເນື້ອໃນຄົບຖ້ວນສົມບູນຂື້ນຕື່ມ ແລະ ໃນໜ່ວຍກໍ່ໄດ້ພ້ອມກັນຈັບມືແຂ່ງຂັນ. 

        ໃນຕອນທ້າຍ  ສະຫາຍ   ສຸວຽງທອງ  ສຸຂະ​ວົງ  ກໍ່ໄດ້ໂອ້ລົມຕໍ່ກອງປະຊຸມ ເພິ່ນໄດ້ເນັ້ນໜັກມີ 4 ບັນຫາ​ຄື:

1.   ​ຄະນະໜ່ວຍຊາວໜຸ່ມຕ້ອງຖືສໍາຄັນ ​ແລະ ກໍາແໜ້ນວຽກງານດ້ານການເມືອງແນວຄິດ,​ເອົາ​ໃຈ​ໃສ່​ປະຕິບັດ​ແນວທາງ​ນະ​ໂຍບາຍ​ຂອງ​ພັກ​ໃຫ້​ສະມາຊິກ​ຊາວໜຸ່ມ​ໄດ້​ເຂົ້າ​ໃຈ​ກ້ວາງ​ຂວາງ ​ແລະ ​ເລິກ​ເຊິ່ງ.

2.  ວຽກງານ​ປັບປຸງ​ການຈັດ​ຕັ້ງ ຄະນະໜ່ວຍຊາວໜຸ່ມຕ້ອງ​ໄດ້​ດໍາ​ເນີນ​ຊີວິດປະ​ຈໍາ​​ເດືອນ ​ແລະ ກໍ່ສ້າງ​ຊ່ວຍ​ເຫຼືອ​ເຊິ່ງກັນ ​ແລະ ກັນ ຢ່າງ​ເປັນ​ປົກກະຕິ.

3.  ​ເສີມ​ຂະຫຍາຍວຽກງານ​ຂະ​ບວນການ​ໃຫ້​ເປັນ​ຂະ​ບວນຟົດ​ຟື້ນ.

4.  ພາຍຫຼັງທີ່​ເປີດ​ຂະ​ບວນການ​ແລ້ວ ຕ້ອງ​ໄດ້​ເອົາ​ໃຈ​ໃສ່​ເພີ່ມ​ທະວີ​ຕໍ່ການ​ຕິດຕາມ​ກວດກາໃນ​ແຕ່ລະ​ໄລຍະ,​ຕ້ອງ​​ໃກ້ຊິດຕິດ​ແທດ​ກັບ​ຄະນະ​ພັກ​ໃນ​ການຂໍ​ຄໍາ​ຄິດ​ຄໍາ​ເຫັນ​ຊີ້​ທິດ​ເຍືອງ​ທາງ​ໃນ​ວຽກງານ​ຊາວໜຸ່ມ ກໍ່ຄື​ວຽກງານ​ແຂ່ງຂັນ 4 ບຸກຂອງ​ຊາວໜຸ່ມ​ປະ​ເມີນ​ແຕ່​ລະ​ຄັ້ງ.

ກອງປະຊຸມໄດ້ດຳເນີນເປັນເວລາ 1 ຄາວກໍ່ໄດ້ປິດລົງ